ek lamhe ki dastan

chamak

merā tasavvur

ḳhushiyoñ kā jhoñkā

lams-e-ruḳh-e-gul

rāhat-e-shab-e-mahtāb

farhat-e-sub.h-e-bahār

naġhmagī

bhuuk

dard kī kasak

ġham-e-bechārgī azm-e-javāñ

sūrat-hā-e-yārān-e-be-yār

ehsās-e-silsila-hā-e-makr-o-fareb

naqsh-hā-e-kashmakash-e-marg-o-zīst

karb-e-ḳhāk-e-hiroshima

idrāk-e-rag meñ ye chubhte hue lākhoñ nashtar

shiddat-e-dard

tū

maiñ

har koī jo nigah-o-dil meñ aa.e

roTī

atom-bomb

tū

maiñ

dhuñdalkā

lamhe kī maut

ek aur lamhe kī jalvagarī

umr yuuñ hī tamām hotī hai

chamak

mera tasawwur

KHushiyon ka jhonka

lams-e-ruKH-e-gul

rahat-e-shab-e-mahtab

farhat-e-subh-e-bahaar

naghmagi

bhuk

dard ki kasak

gham-e-bechaargi azm-e-jawan

surat-ha-e-yaran-e-be-yar

ehsas-e-silsila-ha-e-makr-o-fareb

naqsh-ha-e-kashmakash-e-marg-o-zist

karb-e-KHak-e-hiroshima

idrak-e-rag mein ye chubhte hue lakhon nashtar

shiddat-e-dard

tu

main

har koi jo nigah-o-dil mein aae

roTi

atom-bomb

tu

main

dhundalka

lamhe ki maut

ek aur lamhe ki jalwagari

umr yun hi tamam hoti hai