ek mansube mein dar-pesh dushwariyan

maiñ raushnī meñ itnī ġhalatiyāñ kartā huuñ

jitnī log añdhere meñ nahīñ karte hoñge

maiñ in dinoñ ek mansūba tayyār karne meñ masrūf huuñ

har tarah kī nākāmiyoñ se paak mansūba

taaki jaise hī mauqa.a mile

meñ ḳhud ko qatl kar duuñ

mujhe aise chaurāhe kā bhī intiḳhāb karnā hai

jis ke ain-vast meñ

laash ko is tarah laTkānā mumkin ho

ki us kā nazzāra kiyā jā sake chāroñ aur se

sañgsārī ke hāmiyoñ ko ḳhusūsī dāvat dī jā.egī

ḳhaas taur par qarībī dostoñ ko

tum bhī patthar hī barsānā

merī laash bardāsht nahīñ kar sakegī

phuul kī zarb

lekin maiñ kyā karūñ

maiñ raushnī meñ bhī itnī ġhalatiyāñ kartā huuñ

jitnī log añdhere meñ nahīñ karte hoñge

main raushni mein itni ghalatiyan karta hun

jitni log andhere mein nahin karte honge

main in dinon ek mansuba tayyar karne mein masruf hun

har tarah ki nakaamiyon se pak mansuba

taki jaise hi mauqa mile

mein KHud ko qatl kar dun

mujhe aise chaurahe ka bhi intiKHab karna hai

jis ke ain-wast mein

lash ko is tarah laTkana mumkin ho

ki us ka nazzara kiya ja sake chaaron aur se

sangsari ke hamiyon ko KHususi dawat di jaegi

KHas taur par qaribi doston ko

tum bhi patthar hi barsana

meri lash bardasht nahin kar sakegi

phul ki zarb

lekin main kya karun

main raushni mein bhi itni ghalatiyan karta hun

jitni log andhere mein nahin karte honge