ek mujarrab nusKHa

aap ko merā mamnūn-e-ehsān honā chāhiye

ki meñ aap ke liye ek aisā mujarrab nusḳha tajvīz kar rahā huuñ

jo aap kī zindagī meñ ek ḳhush-gavār inqalāb barpā kar saktā hai

ain-mumkin hai mere tajvīz-karda nusḳhe ko

tabā.atī aur barqī zarā-e-iblāġh ke idāre

apne ḳhilāf ek kārobārī sāzisheñ samjheñ

aur mujh par harjāne kā da.avā kareñ

māherīn-e-iblāġh-e-āmmā, sahāfī, dānish-var, civil-societiyoñ ke numā.inde

aur avāmunnās mujhe ahmaq qarār deñ

ye saare muvaqqe radd-e-amal

mujhe apnā tajvīz-karda nusḳha pesh karne se baaz nahīñ rakh sakte

mere tajvīz-karda nusḳhe ke mutābiq

apnī zindagī ko pur-sukūn aur ḳhush-gavār banāne ke liye aap ko

aḳhbārāt o rasā.el, maqbūl-e-avām T.V-channels aur hālāt-e-hāzira par programme pesh karne vaale

bil-ḳhusūs sansanī-ḳhez breaking-news aur siyāsī talk-shows ke zari.e

haqā.eq ko jānñe kā haq tark karnā hogā

tiin maah ke ibtidā.ī parhez se hī

aap ko mera mamnun-e-ehsan hona chahiye

ki mein aap ke liye ek aisa mujarrab nusKHa tajwiz kar raha hun

jo aap ki zindagi mein ek KHush-gawar inqalab barpa kar sakta hai

ain-mumkin hai mere tajwiz-karda nusKHe ko

tabaati aur barqi zara-e-iblagh ke idare

apne KHilaf ek karobari sazishen samjhen

aur mujh par harjaane ka dawa karen

maherin-e-iblagh-e-amma, sahafi, danish-war, ciwil-societiyon ke numainde

aur awamunnas mujhe ahmaq qarar den

ye sare muwaqqe radd-e-amal

mujhe apna tajwiz-karda nusKHa pesh karne se baz nahin rakh sakte

mere tajwiz-karda nusKHe ke mutabiq

apni zindagi ko pur-sukun aur KHush-gawar banane ke liye aap ko

aKHbaraat o rasael, maqbul-e-awam TV-channels aur haalat-e-hazira par programme pesh karne wale

bil-KHusus sansani-KHez breaking-news aur siyasi talk-shows ke zarie

haqaeq ko jaanne ka haq tark karna hoga

tin mah ke ibtidai parhez se hi