ek mulaqat

tirī taḌap se na taḌpā thā merā dil lekin

tire sukūn se bechain ho gayā huuñ maiñ

ye jaan kar tujhe kyā jaane kitnā ġham pahuñche

ki aaj tere ḳhayāloñ meñ kho gayā huuñ maiñ

kisī kī ho ke tū is tarah mere ghar aa.ī

ki jaise phir kabhī aa.e to ghar mile na mile

nazar uThā.ī magar aisī be-yaqīnī se

ki jis tarah koī pesh-e-nazar mile na mile

tū muskurā.ī magar muskurā ke ruk sī ga.ī

ki muskurāne se ġham kī ḳhabar mile na mile

rukī to aaise ki jaise tirī riyāzat ko

ab is samar se ziyāda samar mile na mile

ga.ī to sog meñ Duube qadam ye kah ke ga.e

safar hai shart sharīk-e-safar mile na mile

tirī taḌap se na taḌpā thā merā dil lekin

tire sukūn se bechain ho gayā huuñ maiñ

ye jaan kar tujhe kiyā jaane kitnā ġham pahuñche

ki aaj tere ḳhayāloñ meñ kho gayā huuñ maiñ

teri taDap se na taDpa tha mera dil lekin

tere sukun se bechain ho gaya hun main

ye jaan kar tujhe kya jaane kitna gham pahunche

ki aaj tere KHayalon mein kho gaya hun main

kisi ki ho ke tu is tarah mere ghar aai

ki jaise phir kabhi aae to ghar mile na mile

nazar uThai magar aisi be-yaqini se

ki jis tarah koi pesh-e-nazar mile na mile

tu muskurai magar muskura ke ruk si gai

ki muskurane se gham ki KHabar mile na mile

ruki to aaise ki jaise teri riyazat ko

ab is samar se ziyaada samar mile na mile

gai to sog mein Dube qadam ye kah ke gae

safar hai shart sharik-e-safar mile na mile

teri taDap se na taDpa tha mera dil lekin

tere sukun se bechain ho gaya hun main

ye jaan kar tujhe kiya jaane kitna gham pahunche

ki aaj tere KHayalon mein kho gaya hun main