ek nazm

āsmāñ sar par ugāne meñ mirā hissa nahīñ hai

ye zamīñ bhī kal talak jis gaa.e ke sīñgoñ Tikī thī

vo mirī koī nahīñ thī

aur ab jis be-badan nañge ḳhalā meñ tairtī hai

vo ḳhalā bhī maiñ nahīñ huuñ

har taraf phailī huī be-rañg chehra zindagī ko

maiñ bhalā kyā Dhāltā

gosht kā jo lothḌā likkhā hai mere naam

vo bhī aur kā Dhālā huā hai

vo purāne din bhale the jab sabhī kuchh chal rahā thā

naam is kā kaam us kā

vo magar mere ujāle baḌe se ġhaar meñ ġhārat huā hai

an-ginat ilzām kīloñ meñ Tañgā merā badan

qatra qatra chīḳhtā hai

aur sannāTā mazoñ meñ gungunātā phir rahā hai

aasman sar par ugane mein mera hissa nahin hai

ye zamin bhi kal talak jis gae ke singon Tiki thi

wo meri koi nahin thi

aur ab jis be-badan nange KHala mein tairti hai

wo KHala bhi main nahin hun

har taraf phaili hui be-rang chehra zindagi ko

main bhala kya Dhaalta

gosht ka jo lothDa likkha hai mere nam

wo bhi aur ka Dhaala hua hai

wo purane din bhale the jab sabhi kuchh chal raha tha

nam is ka kaam us ka

wo magar mere ujale baDe se ghaar mein ghaarat hua hai

an-ginat ilzam kilon mein Tanga mera badan

qatra qatra chiKHta hai

aur sannaTa mazon mein gungunata phir raha hai