ek nazm ijazaton ke liye

tum mujhe pahan sakte ho

ki maiñ ne apne aap ko

dhule hue kapḌe kī tarah

ka.ī daf.a nichoḌā hai

ka.ī daf.a sukhāyā hai

tum mujhe chabā sakte ho

ki maiñ chūsne vaalī golī kī tarah

apnī miThās kī tah ghulā chukī huuñ

tum mujhe rulā sakte ho

ki maiñ ne apne aap ko qatl kar ke

apne ḳhuun ko paanī paanī kar ke

āñkhoñ meñ jhiil banā lī hai

tum mujhe bhuun sakte ho

ki merī boTī boTī

taḌap taḌap kar

zindagī kī har saañs ko

alvidā.a kah chukī hai

tum mujhe masal sakte ho

ki roTī sūkhne se pahle

ḳhasta ho kar bhurnhurī ho jaatī hai

tum mujhe ta.avīz kī tarah

ghol kar pī jaao

to maiñ kalīsāoñ meñ bajtī ghanTiyoñ meñ

isī tarah tulūa hotī rahūñgī

jaise gul-e-āftāb

tum mujhe pahan sakte ho

ki main ne apne aap ko

dhule hue kapDe ki tarah

kai dafa nichoDa hai

kai dafa sukhaya hai

tum mujhe chaba sakte ho

ki main chusne wali goli ki tarah

apni miThas ki tah ghula chuki hun

tum mujhe rula sakte ho

ki main ne apne aap ko qatl kar ke

apne KHun ko pani pani kar ke

aankhon mein jhil bana li hai

tum mujhe bhun sakte ho

ki meri boTi boTi

taDap taDap kar

zindagi ki har sans ko

alwidaa kah chuki hai

tum mujhe masal sakte ho

ki roTi sukhne se pahle

KHasta ho kar bhurnhuri ho jati hai

tum mujhe tawiz ki tarah

ghol kar pi jao

to main kalisaon mein bajti ghanTiyon mein

isi tarah tulua hoti rahungi

jaise gul-e-aftab