ek nazm ki ghazal kahen jise

rivāyatoñ kā libās pahne

guzishtagāñ kā nisāb thāme

tarāziyat ke nigār-ḳhānoñ meñ bain kartī

ghuTan-zada qāfiyoñ radīfoñ ke darmiyāñ

muntashir ḳhayāloñ ke bojh apne dil-e-hazīñ par

uThā.e phirtī huī ikaa.ī

vufūr-e-taḳhlīq se pareshāñ

qadam qadam fard fard hotī bikhar rahī hai

usī ke juz haiñ

jo is pe haavī hue to aise

ki aap apnī alag hī duniyā basā rahe haiñ

ajiib duniyā

jo kahkashāñ se alag khaḌī hai

jo apne mehvar pe dam-ba-ḳhud hai

magar vo āzurda kahkashāñ

gardishoñ se laḌtī

ka.ī zamāne guzār aa.ī

mukālme se mukāshfe tak

mushāhide se muāmle tak

ka.ī safar the ka.ī paḌāv

jahāñ vo dīvāna-vār phirtī rahī

ḳhalish kam huī na unvāñ hī ban sakā

aur ḳhayāl tashkīl ke marāhil meñ gum rahā

riwayaton ka libas pahne

guzishtagan ka nisab thame

taraaziyat ke nigar-KHanon mein bain karti

ghuTan-zada qafiyon radifon ke darmiyan

muntashir KHayalon ke bojh apne dil-e-hazin par

uThae phirti hui ikai

wufur-e-taKHliq se pareshan

qadam qadam fard fard hoti bikhar rahi hai

usi ke juz hain

jo is pe hawi hue to aise

ki aap apni alag hi duniya basa rahe hain

ajib duniya

jo kahkashan se alag khaDi hai

jo apne mehwar pe dam-ba-KHud hai

magar wo aazurda kahkashan

gardishon se laDti

kai zamane guzar aai

mukalme se mukashfe tak

mushahide se muamle tak

kai safar the kai paDaw

jahan wo diwana-war phirti rahi

KHalish kam hui na unwan hi ban saka

aur KHayal tashkil ke marahil mein gum raha