ek nazm likhna mushkil hai

ise vahī jāntā hai

jis ne ek bachcha janā ho

yā use janm dene se

pahle bahā diyā ho

donoñ dukh ek hī haiñ

jaise tumheñ

garm garm jalte hue lohe se

dāġhā jā rahā ho

yā tumhāre jism ko

guudā jā rahā ho

ek sire se dūsre sire tak

andhere aur sannāTe meñ

darvāza ho na koī shigāf

ki āvāz bāhar jā sake

bas jaise

ek kund chhurī jo tumhāre hī hāthoñ

tumhārī gardan kaaT rahī ho

aur is lazzat-āmez ḳhud-aziyyatī meñ

tum ḳhud ko halkān hote hue

dekh rahe ho

lamha-ba-lamha

ek vajūd ko

dūsre se bāhar dhakelnā

bāhar ālūdgiyoñ ke Dher par

dhīre dhīre

koī naam dene ke liye

ise wahi jaanta hai

jis ne ek bachcha jana ho

ya use janm dene se

pahle baha diya ho

donon dukh ek hi hain

jaise tumhein

garm garm jalte hue lohe se

dagha ja raha ho

ya tumhaare jism ko

guda ja raha ho

ek sire se dusre sire tak

andhere aur sannaTe mein

darwaza ho na koi shigaf

ki aawaz bahar ja sake

bas jaise

ek kund chhuri jo tumhaare hi hathon

tumhaari gardan kaT rahi ho

aur is lazzat-amez KHud-aziyyati mein

tum KHud ko halkan hote hue

dekh rahe ho

lamha-ba-lamha

ek wajud ko

dusre se bahar dhakelna

bahar aaludgiyon ke Dher par

dhire dhire

koi nam dene ke liye