ek purani kahani

kisī shahr meñ ik kafan-chor aayā

jo rātoñ ko qabroñ meñ sūrāḳh kar ke

tan-e-kushtagāñ se kafan khīñch letā

āḳhir-e-kār pakḌā gayā

aur us ko munāsib sazā ho ga.ī

kuchh hī din ba.ad ik dūsrā chor vārid huā

jo kafan bhī churātā

qabr ko bhī khulā chhoḌ detā

dūsrā chor bhī rukn-e-insāf ke paas laayā gayā

aur mehmān-e-zindāñ huā

phir yakāyak kisī tīsare chor kā ġhul machā

jo kafan bhī churātā

qabr ko bhī khulā chhoḌ detā

aur murda badan ko barahana kisī raah par Daal detā

shahr vaale jab use adālat meñ laa.e

to qaazī ne us kī sazā ko sunāte hue

faisla yuuñ likhā

''ḳhudāvand pahle kafan-chor ko apnī rahmat meñ rakhnā ki vo aadmī ḳhuub thā''

kisi shahr mein ek kafan-chor aaya

jo raaton ko qabron mein suraKH kar ke

tan-e-kushtagan se kafan khinch leta

aaKHir-e-kar pakDa gaya

aur us ko munasib saza ho gai

kuchh hi din baad ek dusra chor warid hua

jo kafan bhi churaata

qabr ko bhi khula chhoD deta

dusra chor bhi rukn-e-insaf ke pas laya gaya

aur mehman-e-zindan hua

phir yakayak kisi tisare chor ka ghul macha

jo kafan bhi churaata

qabr ko bhi khula chhoD deta

aur murda badan ko barahana kisi rah par Dal deta

shahr wale jab use adalat mein lae

to qazi ne us ki saza ko sunate hue

faisla yun likha

KHudawand pahle kafan-chor ko apni rahmat mein rakhna ki wo aadmi KHub tha