ek qadim KHayali ki nigrani mein

zamāne kī mailī aañkh ne

mujhe dhundlā diyā

dūsroñ par gaḌhte gaḌhte

mujhe apnī tashvīsh huī

bahut dinoñ se bujhā paḌā thā

jab do dimāġhoñ kī ham-āhañgī ne

mujhe raushan aur ravāñ kar diyā

ma.an

maiñ ne ḳhud ko sāhil par machhlī kī aañkh se dekhā

uf! sab kuchh kitnā sat.hī hai!

sāhil Dūbne se pahle pahle

maiñ apne andar utar gayā

jahāñ maiñ pahle se maujūd thā

maiñ ne ḳhush-gavār hairat se ḳhud ko chhuā

kahīñ maiñ koī guzrī huī saa.at to nahīñ

ye jaan kar tasallī huī

ki ek qadīm ḳhayāl kī nigrānī meñ

maiñ kuchh aur gahrā aur chamkīlā ho gayā huuñ

aur ye bhī ki

ab maiñ apne aar paar bhī dekh saktā hūñ!!

zamane ki maili aankh ne

mujhe dhundla diya

dusron par gaDhte gaDhte

mujhe apni tashwish hui

bahut dinon se bujha paDa tha

jab do dimaghon ki ham-ahangi ne

mujhe raushan aur rawan kar diya

man

main ne KHud ko sahil par machhli ki aankh se dekha

uf! sab kuchh kitna sathi hai!

sahil Dubne se pahle pahle

main apne andar utar gaya

jahan main pahle se maujud tha

main ne KHush-gawar hairat se KHud ko chhua

kahin main koi guzri hui saat to nahin

ye jaan kar tasalli hui

ki ek qadim KHayal ki nigrani mein

main kuchh aur gahra aur chamkila ho gaya hun

aur ye bhi ki

ab main apne aar par bhi dekh sakta hun!!