ek sawal

ek lamha bhī ik zamāna hai

yaad rakhnā ki bhuul jaanā hai

lab o ruḳhsār o gesū-e-ḳhamdār

vo lachaktī huī bāheñ vo ham āġhosh badan

vo chhalakte hue paimānoñ kī mahfil vo iram

naġhma o raqs fusūñ-kārī-e-fan

shahr ārā.ish-e-jannat hai zamīñ par ki nahīñ

ye numā.ish-gah-e-ta.amīr-o-taraqqī ye zamīñ

zindagī mehnat o qudrat ke ajā.ib

ye mashīneñ ḳhud-kār

dhaat ke purze jo haiñ farz-shanās o hushiyār

ai ḳhudā ye tire sayyāroñ ke rakhvāle

ek lamha bhī ik zamāna hai

yaad rakhnā ki bhuul jaanā hai

aaj mausam bahut suhānā hai

jī kare hai ki jaan de Dāleñ

aaj mausam bahut suhānā hai

kaT ga.e qātiloñ ke haat kahīñ

paa.ī mahkūm ne najāt kahīñ

bādshāhat zamīñ pe de maarī

chhīn lī hai inān-e-muḳhtārī

har taraf inqalāb ke āsār

haiñ kahāñ parcham-e-shah-e-ḳhūñ-ḳhvār

rashk-e-jamshed faḳhr-e-askandar

qaid mohalloñ meñ yā ki mulk-badar

Dagmagātā hai taḳht-e-shāhāna

shahryāroñ kā ḳhatm afsāna

an-ginat bijliyāñ girīñ lekin

chaar tinkoñ kā āshiyāna hai

ai ḳhudā-e-abad ḳhudā-e-azal

tere ghar meñ pahuñch ga.ī halchal

ek lamha bhi ek zamana hai

yaad rakhna ki bhul jaana hai

lab o ruKHsar o gesu-e-KHamdar

wo lachakti hui bahen wo hum aaghosh badan

wo chhalakte hue paimanon ki mahfil wo iram

naghma o raqs fusun-kari-e-fan

shahr aaraish-e-jannat hai zamin par ki nahin

ye numaish-gah-e-tamir-o-taraqqi ye zamin

zindagi mehnat o qudrat ke ajaib

ye mashinen KHud-kar

dhat ke purze jo hain farz-shanas o hushiyar

ai KHuda ye tere sayyaron ke rakhwale

ek lamha bhi ek zamana hai

yaad rakhna ki bhul jaana hai

aaj mausam bahut suhana hai

ji kare hai ki jaan de Dalen

aaj mausam bahut suhana hai

kaT gae qatilon ke hat kahin

pai mahkum ne najat kahin

baadshahat zamin pe de mari

chhin li hai inan-e-muKHtari

har taraf inqalab ke aasar

hain kahan parcham-e-shah-e-KHun-KHwar

rashk-e-jamshed faKHr-e-askandar

qaid mohallon mein ya ki mulk-badar

Dagmagata hai taKHt-e-shahana

shahryaron ka KHatm afsana

an-ginat bijliyan girin lekin

chaar tinkon ka aashiyana hai

ai KHuda-e-abad KHuda-e-azal

tere ghar mein pahunch gai halchal