ek udas sham ke nam

ajiib log haiñ

ham ahl-e-e'tibār kitne bad-nasīb log haiñ

jo raat jāgne kī thī vo saarī raat

ḳhvāb dekh dekh kar guzārte rahe

jo naam bhūlne kā thā us ek naam ko

galī galī pukārte rahe

jo khel jītne kā thā vo khel hārte rahe

ajiib log haiñ

ham ahl-e-e'tibār kitne bad-nasīb log haiñ

kisī se bhī to qarz-e-ābrū adā nahīñ huā

lahū-luhān sā.atoñ kā faisla nahīñ huā

baras guzar ga.e haiñ koī mo.ajaza nahīñ huā

vo jal-bujhā ki aag jis ke shola-e-nafas meñ thī

vo tiir khā gayā kamān jis kī dastaras meñ thī

sipāh-e-mahr kā fasīl-e-shab ko intizār hai

kab aa.egā vo shaḳhs jis kā sab ko intizār hai

ham ahl-e-e'tibār kitne bad-nasīb log haiñ

ajiib log haiñ

ham ahl-e-e'tibār kitne bad-nasīb log haiñ

ajib log hain

hum ahl-e-e'tibar kitne bad-nasib log hain

jo raat jagne ki thi wo sari raat

KHwab dekh dekh kar guzarte rahe

jo nam bhulne ka tha us ek nam ko

gali gali pukarte rahe

jo khel jitne ka tha wo khel haarte rahe

ajib log hain

hum ahl-e-e'tibar kitne bad-nasib log hain

kisi se bhi to qarz-e-abru ada nahin hua

lahu-luhan saaton ka faisla nahin hua

baras guzar gae hain koi moajaza nahin hua

wo jal-bujha ki aag jis ke shola-e-nafas mein thi

wo tir kha gaya kaman jis ki dastaras mein thi

sipah-e-mahr ka fasil-e-shab ko intizar hai

kab aaega wo shaKHs jis ka sab ko intizar hai

hum ahl-e-e'tibar kitne bad-nasib log hain

ajib log hain

hum ahl-e-e'tibar kitne bad-nasib log hain