ek waqia
añdhyārī raat ke āñgan meñ ye sub.h ke qadmoñ kī aahaT
ye bhīgī bhīgī sard havā ye halkī halkī dhuñdhlāhaT
gaaḌī meñ huuñ tanhā mahv-e-safar aur niiñd nahīñ hai āñkhoñ meñ
bhūle-bisre armānoñ ke ḳhvāboñ kī zamīñ hai āñkhoñ meñ
agle din haath hilāte haiñ pichhlī pīteñ yaad aatī haiñ
gum-gashta ḳhushiyāñ āñkhoñ meñ aañsū ban kar lahrātī haiñ
siine ke vīrāñ goshoñ meñ ik Tiis sī karvaT letī hai
nākām umañgeñ rotī haiñ ummīd sahāre detī hai
vo rāheñ zehn meñ ghūmtī haiñ jin rāhoñ se aaj aayā huuñ
kitnī ummīd se pahuñchā thā kitnī māyūsī laayā huuñ
andhyari raat ke aangan mein ye subh ke qadmon ki aahaT
ye bhigi bhigi sard hawa ye halki halki dhundhlahaT
gaDi mein hun tanha mahw-e-safar aur nind nahin hai aankhon mein
bhule-bisre armanon ke KHwabon ki zamin hai aankhon mein
agle din hath hilate hain pichhli piten yaad aati hain
gum-gashta KHushiyan aankhon mein aansu ban kar lahraati hain
sine ke viran goshon mein ek Tis si karwaT leti hai
nakaam umangen roti hain ummid sahaare deti hai
wo rahen zehn mein ghumti hain jin rahon se aaj aaya hun
kitni ummid se pahuncha tha kitni mayusi laya hun
- Book : Kulliyat-e-Sahir (Pg. 21)
- Publication : Farid Book Depot (pvt.) Ltd. New Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
