ek zabt-shuda poster

ḳhvāb hamārī galiyoñ ke gande paanī par

machchhar-mār davā.eñ haiñ

bāvarchī-ḳhānoñ meñ

aaTe ghī aur tel ke ḳhālī Dabbe

aane vaalī nasloñ kī āñkheñ haiñ

bhuuk hamāre āñgan kī raqqāsa hai

pyaas hamārā tārīḳhī virsa hai

tahrīreñ paḌhne vālo!

lafz nisāboñ ke qaidī haiñ

ta.abīreñ DhūñDne vālo!

ham sab an-dekhe ḳhvāboñ ke qaidī haiñ!!

KHwab hamari galiyon ke gande pani par

machchhar-mar dawaen hain

bawarchi-KHanon mein

aaTe ghi aur tel ke KHali Dabbe

aane wali naslon ki aankhen hain

bhuk hamare aangan ki raqqasa hai

pyas hamara tariKHi wirsa hai

tahriren paDhne walo!

lafz nisabon ke qaidi hain

tabiren DhunDne walo!

hum sab an-dekhe KHwabon ke qaidi hain!!