ekta ki aawaz

ḳhulūs dil meñ liye kārvāñ ke saath chalo

musāfiro chalo azm-e-garāñ ke saath chalo

zamāna saath chale anjuman bhī saath chale

bahār chūme qadam bāñkpan bhī saath chale

vo azm ho ki jise zindagī salām kare

qadam qadam pe sukūñ jashn-e-ehtimām kare

vatan kī laaj bano qaum kā nikhār bano

har ek dil ke liye husn-e-e.atibār bano

bhulā do firqa-parastī kī dāstānoñ ko

miTā do baḌh ke ta.assub bhare jahānoñ ko

qasam vatan kī tumheñ ektā ke gun gaao

diloñ meñ azmat-e-qaum-o-vatan ko chamkāo

qadam ke saath agar dil mileñ to baat bane

jahāñ bhī chāho vahīñ manzil-e-hayāt bane

ho ek dil zarā āvāz bhī milā ke chalo

chalo to rāh-e-havādis meñ muskurā ke chalo

KHulus dil mein liye karwan ke sath chalo

musafiro chalo azm-e-garan ke sath chalo

zamana sath chale anjuman bhi sath chale

bahaar chume qadam bankpan bhi sath chale

wo azm ho ki jise zindagi salam kare

qadam qadam pe sukun jashn-e-ehtimam kare

watan ki laj bano qaum ka nikhaar bano

har ek dil ke liye husn-e-eatibar bano

bhula do firqa-parasti ki dastanon ko

miTa do baDh ke tassub bhare jahanon ko

qasam watan ki tumhein ekta ke gun gao

dilon mein azmat-e-qaum-o-watan ko chamkao

qadam ke sath agar dil milen to baat bane

jahan bhi chaho wahin manzil-e-hayat bane

ho ek dil zara aawaz bhi mila ke chalo

chalo to rah-e-hawadis mein muskura ke chalo