mujhe apne jine ka haq chahiye

mujhe apne jiine kā haq chāhiye

zamīñ jis pe mere qadam Tik sakeñ

aur tāroñ bharā kuchh falak chāhiye

mujhe apne jiine kā haq chāhiye

nemateñ jo mere rab ne dhartī ko diiñ

saaf paanī havā bārisheñ chāñdnī

ye to har ibn-e-ādam kī jāgīr haiñ

ye hamārī tumhārī kisī kī nahīñ

mujh ko ta.alīm sehat aur ummīd kī

saat rañgoñ bharī ik dhanak chāhiye

mujhe apne jiine kā haq chāhiye

na havā saaf hai na fazā saaf hai

vo jo āb-e-baqā thā vo nā-sāf hai

zamīñ ho samundar ho yā āsmāñ

ik zarā sochiye ab ki kyā saaf hai

maut se pur-ḳhatar hai ye ālūdgī

dosto dil meñ thoḌī kasak chāhiye

mujhe apne jiine kā haq chāhiye

mujhe apne jine ka haq chahiye

zamin jis pe mere qadam Tik saken

aur taron bhara kuchh falak chahiye

mujhe apne jine ka haq chahiye

nematen jo mere rab ne dharti ko din

saf pani hawa barishen chandni

ye to har ibn-e-adam ki jagir hain

ye hamari tumhaari kisi ki nahin

mujh ko talim sehat aur ummid ki

sat rangon bhari ek dhanak chahiye

mujhe apne jine ka haq chahiye

na hawa saf hai na faza saf hai

wo jo aab-e-baqa tha wo na-saf hai

zamin ho samundar ho ya aasman

ek zara sochiye ab ki kya saf hai

maut se pur-KHatar hai ye aaludgi

dosto dil mein thoDi kasak chahiye

mujhe apne jine ka haq chahiye