europe ki zindagi

din bhar hai charchā kaam kā

shab aur sharāb-e-jāñ-fazā

din bhar haiñ saarī saḳhtiyāñ

shab aur hūrān-e-jināñ

ek ek sāñche meñ Dhalī

ek ek patlī qahr kī

ġhuncha-dahan aafat adā

shoḳhī ġhazab ġhamza balā

zāhir meñ saffākī bharī

bātin meñ ik jazb-e-ḳhafī

tevar se rūkhā-pan ayaañ

andāz meñ mastī nihāñ

paalo kabhī vahshī hiran

ḳhud said par nāvak fagan

kyoñ kar na yāroñ ke bhalā

lab se yahī nikle sadā

baalā ho yā pastī ġhazab

is taur kī hastī ġhazab

ai zindagī ai zindagī

haiñ bār-āvar tujh se hī

bāġh-e-tamannā ke shajar

din bhar hai charcha kaam ka

shab aur sharab-e-jaan-faza

din bhar hain sari saKHtiyan

shab aur huran-e-jinan

ek ek sanche mein Dhali

ek ek patli qahr ki

ghuncha-dahan aafat ada

shoKHi ghazab ghamza bala

zahir mein saffaki bhari

baatin mein ek jazb-e-KHafi

tewar se rukha-pan ayan

andaz mein masti nihan

palo kabhi wahshi hiran

KHud said par nawak fagan

kyon kar na yaron ke bhala

lab se yahi nikle sada

baala ho ya pasti ghazab

is taur ki hasti ghazab

ai zindagi ai zindagi

hain bar-awar tujh se hi

bagh-e-tamanna ke shajar