farigh

(ġhabriel ġharciamarcuez ke andāz meñ)

jab vo paidā huā

to us kī donoñ āñkheñ dahak rahī thiiñ

donoñ papoTe phaTe hue the

putlī kī dīvār se laTke

āñkhoñ ke parde aage se haTe hue the

jab us kī āñkheñ hiltīñ

to dīvāroñ pe un kī lau hilne lagtī thī

vo paidā hone se pahle

saare dhone dho aayā thā

apne janm kā saarā ronā ro aayā thā

(ghabriel gharciamarcuez ke andaz mein)

jab wo paida hua

to us ki donon aankhen dahak rahi thin

donon papoTe phaTe hue the

putli ki diwar se laTke

aankhon ke parde aage se haTe hue the

jab us ki aankhen hiltin

to diwaron pe un ki lau hilne lagti thi

wo paida hone se pahle

sare dhone dho aaya tha

apne janm ka sara rona ro aaya tha