fasle

qurbatoñ ke fāsle

jo the vo kam nahīñ hue

diloñ meñ haiñ jo ranjisheñ

vo baras-hā-baras se haiñ usī tarah se maujzan

mohabbatoñ kī Dāliyāñ

kabhī kī ḳhushk ho chukīñ

munāfiqat kī chādareñ

diloñ pe haiñ chaḌhī huiiñ

ye ulfatoñ kī rahguzar

hai suunī aaj kis qadar

haiñ saath sab ba-zāhir ab

magar vo pyaar kī sham.a

jo raushnī kā thī sabab

vo bujh chukī vo gul huī

hai rab se merī ye duā

ai mere rab mire ḳhudā

mohabbatoñ kī Dāliyāñ

hoñ phir se sab harī-bharī

vo ulfatoñ kī rahguzar bane sabhī kī rahguzar

jale vo pyaar kī sham.a

ho chaar sū chamak-damak

ai mere rab

ye chāhatoñ kī dūriyāñ

munāfiqat kī chādareñ

ye qurbatoñ ke fāsle

sameT le mire ḳhudā

sameT le mire ḳhudā

qurbaton ke fasle

jo the wo kam nahin hue

dilon mein hain jo ranjishen

wo baras-ha-baras se hain usi tarah se maujzan

mohabbaton ki Daliyan

kabhi ki KHushk ho chukin

munafiqat ki chadaren

dilon pe hain chaDhi huin

ye ulfaton ki rahguzar

hai suni aaj kis qadar

hain sath sab ba-zahir ab

magar wo pyar ki shama

jo raushni ka thi sabab

wo bujh chuki wo gul hui

hai rab se meri ye dua

ai mere rab mere KHuda

mohabbaton ki Daliyan

hon phir se sab hari-bhari

wo ulfaton ki rahguzar bane sabhi ki rahguzar

jale wo pyar ki shama

ho chaar su chamak-damak

ai mere rab

ye chahaton ki duriyan

munafiqat ki chadaren

ye qurbaton ke fasle

sameT le mere KHuda

sameT le mere KHuda