fail hone wale ki fariyaad

o paas hone vaale ham ko bhī saath le le

ham rah ga.e akele

ik saath rah ke kaisā bachpan guzar rahā thā

kitnī ḳhushī se apnā jīvan guzar rahā thā

kis kaam kā ye paḌhnā jo dostī se khele

o paas hone vaale ham ko bhī saath le le

ham rah ga.e akele

vo tere saath jā kar galiyoñ kī sair karnā

schōl se nikal kar bāġhoñ kī sair karnā

jab tū nahīñ to ab ham jaa.eñ kahāñ akele

o paas hone vaale ham ko bhī saath le le

ham rah ga.e akele

vo khel khel hī meñ kuchh der ruuTh jaanā

phir ek dūsre ko aapas hī meñ manānā

ab kaun aa ke mujh se āḳhir vo khel khele

o paas hone vaale ham ko bhī saath le le

ham rah ga.e akele

phir fail ho ga.e ham ab ghar ko kaise jaa.eñ

kyā shakl le ke apne maañ baap ko dikhā.eñ

chāroñ taraf lage haiñ nākāmiyoñ ke mele

o paas hone vaale ham ko bhī saath le le

ham rah ga.e akele

o pas hone wale hum ko bhi sath le le

hum rah gae akele

ek sath rah ke kaisa bachpan guzar raha tha

kitni KHushi se apna jiwan guzar raha tha

kis kaam ka ye paDhna jo dosti se khele

o pas hone wale hum ko bhi sath le le

hum rah gae akele

wo tere sath ja kar galiyon ki sair karna

school se nikal kar baghon ki sair karna

jab tu nahin to ab hum jaen kahan akele

o pas hone wale hum ko bhi sath le le

hum rah gae akele

wo khel khel hi mein kuchh der ruTh jaana

phir ek dusre ko aapas hi mein manana

ab kaun aa ke mujh se aaKHir wo khel khele

o pas hone wale hum ko bhi sath le le

hum rah gae akele

phir fail ho gae hum ab ghar ko kaise jaen

kya shakl le ke apne man bap ko dikhaen

chaaron taraf lage hain nakaamiyon ke mele

o pas hone wale hum ko bhi sath le le

hum rah gae akele