faiz-ahmad-faiz ke nam

gul-e-sahar kī na gesū-e-shām kī ḳhushbū

fazā fazā meñ hai tere kalām kī ḳhushbū

chaman se kunj-e-qafas tak qafas se daar talak

kahāñ kahāñ na ga.ī tere naam kī ḳhushbū

matā.a-e-dast-e-sabā ho ki naqsh-e-faryādī

har ek zaḳhm meñ dard-e-avām kī ḳhushbū

khanak ga.ī hai jahāñ tere paañv kī zanjīr

bikhar ga.ī hai vahāñ ehtirām kī ḳhushbū

dil-o-dimāġh ko sarshār kar ga.ī 'maikash'

ġhazal ke phuul se niklī vo jaam kī ḳhushbū

gul-e-sahar ki na gesu-e-sham ki KHushbu

faza faza mein hai tere kalam ki KHushbu

chaman se kunj-e-qafas tak qafas se dar talak

kahan kahan na gai tere nam ki KHushbu

mataa-e-dast-e-saba ho ki naqsh-e-faryaadi

har ek zaKHm mein dard-e-awam ki KHushbu

khanak gai hai jahan tere panw ki zanjir

bikhar gai hai wahan ehtiram ki KHushbu

dil-o-dimagh ko sarshaar kar gai 'maikash'

ghazal ke phul se nikli wo jam ki KHushbu