fan qatil hai

fan ke but-kade meñ dāḳhil ho kar

apne rañgoñ meñ haath gholnā

apnī shā.irī kī bansī bajānā

apne afsānoñ ke har ek sanam se muḳhātab honā

aur suroñ se ham-kalām honā

fankār kī zindagī kā ḳhulāsa hai

fankār fan khātā hai

fan oḌhtā hai

fan dekhtā hai

fan suntā hai

lekin us kī musavvirī

us kī shā.irī

us kī mausīqī

aur us kī kahāniyoñ kā natīja alamiya hai

majīd-'amjad' apnī dulhan ke pahlū meñ jaan de kar use suhāgan rakhtā hai

aur maazī kā hissa ban kar haal meñ zinda rahtā hai

fankār kī ḳhānqāh lañgar se māvarā hai

fan ke but-kade mein daKHil ho kar

apne rangon mein hath gholna

apni shairi ki bansi bajaana

apne afsanon ke har ek sanam se muKHatab hona

aur suron se ham-kalam hona

fankar ki zindagi ka KHulasa hai

fankar fan khata hai

fan oDhta hai

fan dekhta hai

fan sunta hai

lekin us ki musawwiri

us ki shairi

us ki mausiqi

aur us ki kahaniyon ka natija alamiya hai

majid-'amjad' apni dulhan ke pahlu mein jaan de kar use suhagan rakhta hai

aur mazi ka hissa ban kar haal mein zinda rahta hai

fankar ki KHanqah langar se mawara hai