fana ke liye ek nazm

mehrbānī raat kā pahlā pahar hai

sub.h-e-zindāñ kī halākat

shaam vahshat-gar kī maut

vājibutta.azīm hai vo shaḳhs jo pahle marā

ḳhisht se kuuza ġhanīmat

kūza-e-vahshat se vahshat-gar kī ḳhaak

ḳhaak se āb-e-namak

bārishoñ meñ maiñ namak kā ghar banā.ūñ

barf-bārī meñ purāne baañs kā

tasht meñ sindūr chhide sikke sajā kar beach raste par rakhūñ

raat ke kohre meñ khiḌkī khol kar dekhūñ use

sub.h tak murda parinde

dopahar tak us ke hone kā gumāñ

shaam phir kohrā khulī khiḌkī parinde

us ke āñgan kī vahī ham-sā.egī

vo nahīñ martā jo pichhlī raat tak jaagā kiyā

mehrbānī raat kā pahlā pahar hai

laḌkiyoñ ne ghaas par nazmeñ likhīñ

paasī ke maTke toḌ Daale

āñganoñ meñ giit gaa.e ghar ga.iiñ

bāshoñ meñ dhuup sī us aañkh ne dekhā mujhe

kis ko jañgal chāhiye kis ko samundar chāhiye

ye hayā-ālūd shaam

khiḌkiyoñ se khiḌkiyoñ tak jhilmilātī jā rahī hai

qissa-gar zindāñ se chal kar aa.e haiñ

āñganoñ ko saaf kar lo

laḌkiyoñ ko shaam kā khānā khilā do

shaam se pahle sulā do

vahshatoñ kī niiñd kachchī aañkh ko zebā nahīñ

shaam ḳhvāb-e-qissa-gar hai qissa-e-zindān-e-shām

mehrbānī raat kā pahlā pahar hai

mehrbani raat ka pahla pahar hai

subh-e-zindan ki halakat

sham wahshat-gar ki maut

wajibuttazim hai wo shaKHs jo pahle mara

KHisht se kuza ghanimat

kuza-e-wahshat se wahshat-gar ki KHak

KHak se aab-e-namak

barishon mein main namak ka ghar banaun

barf-bari mein purane bans ka

tasht mein sindur chhide sikke saja kar beach raste par rakhun

raat ke kohre mein khiDki khol kar dekhun use

subh tak murda parinde

dopahar tak us ke hone ka guman

sham phir kohra khuli khiDki parinde

us ke aangan ki wahi ham-saegi

wo nahin marta jo pichhli raat tak jaga kiya

mehrbani raat ka pahla pahar hai

laDkiyon ne ghas par nazmen likhin

pasi ke maTke toD Dale

aanganon mein git gae ghar gain

bashon mein dhup si us aankh ne dekha mujhe

kis ko jangal chahiye kis ko samundar chahiye

ye haya-alud sham

khiDkiyon se khiDkiyon tak jhilmilati ja rahi hai

qissa-gar zindan se chal kar aae hain

aanganon ko saf kar lo

laDkiyon ko sham ka khana khila do

sham se pahle sula do

wahshaton ki nind kachchi aankh ko zeba nahin

sham KHwab-e-qissa-gar hai qissa-e-zindan-e-sham

mehrbani raat ka pahla pahar hai