faqat chand lamhe

bahut der hai

bas ke aane meñ

aao

kahīñ paas kī lawn par baiTh jaa.eñ

chaTaḳhtā hai merī bhī rag rag meñ sūraj

bahut der se tum bhī chup chup khaḌī ho

na maiñ tum se vāqif

na tum mujh se vāqif

na.ī saarī bāteñ na.e saare qisse

chamakte hue lafz chamakte lahje

faqat chand ghaḌiyāñ

faqat chand lamhe

na maiñ apne dukh-dard kī baat chheḌūñ

na tum apne ghar kī kahānī sunāo

maiñ mausam banūñ

tum fazā.eñ jagāo

bahut der hai

bas ke aane mein

aao

kahin pas ki lawn par baiTh jaen

chaTaKHta hai meri bhi rag rag mein suraj

bahut der se tum bhi chup chup khaDi ho

na main tum se waqif

na tum mujh se waqif

nai sari baaten nae sare qisse

chamakte hue lafz chamakte lahje

faqat chand ghaDiyan

faqat chand lamhe

na main apne dukh-dard ki baat chheDun

na tum apne ghar ki kahani sunao

main mausam banun

tum fazaen jagao