aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bahut dinon ki baat hai

Salam Machhli shahri

bahut dinon ki baat hai

Salam Machhli shahri

MORE BYSalam Machhli shahri

    bahut dinoñ baat hai

    fazā ko yaad bhī nahīñ

    ye baat aaj nahīñ

    bahut dinoñ baat hai

    shabāb par bahār thī

    fazā bhī ḳhush-gavār thī

    na jaane kyuuñ machal paḌā

    maiñ apne ghar se chal paḌā

    kisī ne mujh ko rok kar

    tirī adā se Tok kar

    kahā thā lauT aa.iye

    mirī qism na jā.iye

    na jā.iye na jā.iye

    mujhe magar ḳhabar na thī

    māhaul par nazar na thī

    na jaane kyuuñ machal paḌā

    maiñ apne ghar se chal paḌā

    maiñ chal paḌā maiñ chal paḌā

    maiñ shahar se phir aa gayā

    ḳhayāl thā ki gayā

    use jo mujh se duur thī

    magar mirī zarūr thī

    aur ik hasīn shaam ko

    maiñ chal paḌā salām ko

    galī rañg dekh kar

    na.ī tarañg dekh kar

    mujhe baḌī ḳhushī huī

    maiñ kuchh isī ḳhushī meñ thā

    kisī ne jhāñk kar kahā

    parā.e ghar se jā.iye

    mirī qism na aa.iye

    na aa.iye na aa.iye

    vahī hasīn shaam hai

    bahār jis naam hai

    chalā huuñ ghar ko chhoḌ kar

    na jaane jā.ūñgā kidhar

    koī nahīñ jo Tok kar

    koī nahīñ jo rok kar

    kahe ki lauT aa.iye

    mirī qism na jā.iye

    bahut dinoñ baat hai

    fazā ko yaad bhī nahīñ

    ye baat aaj nahīñ

    bahut dinoñ baat hai

    bahut dinon ki baat hai

    faza ko yaad bhi nahin

    ye baat aaj ki nahin

    bahut dinon ki baat hai

    shabab par bahaar thi

    faza bhi KHush-gawar thi

    na jaane kyun machal paDa

    main apne ghar se chal paDa

    kisi ne mujh ko rok kar

    teri ada se Tok kar

    kaha tha lauT aaiye

    meri qism na jaiye

    na jaiye na jaiye

    mujhe magar KHabar na thi

    mahaul par nazar na thi

    na jaane kyun machal paDa

    main apne ghar se chal paDa

    main chal paDa main chal paDa

    main shahar se phir aa gaya

    KHayal tha ki pa gaya

    use jo mujh se dur thi

    magar meri zarur thi

    aur ek hasin sham ko

    main chal paDa salam ko

    gali ka rang dekh kar

    nai tarang dekh kar

    mujhe baDi KHushi hui

    main kuchh isi KHushi mein tha

    kisi ne jhank kar kaha

    parae ghar se jaiye

    meri qism na aaiye

    na aaiye na aaiye

    wahi hasin sham hai

    bahaar jis ka nam hai

    chala hun ghar ko chhoD kar

    na jaane jaunga kidhar

    koi nahin jo Tok kar

    koi nahin jo rok kar

    kahe ki lauT aaiye

    meri qism na jaiye

    bahut dinon ki baat hai

    faza ko yaad bhi nahin

    ye baat aaj ki nahin

    bahut dinon ki baat hai

    Source:

    Jagjit Chitra Ki Ghazlen (Pg. 113)

    • Author: Jagjit Chitra
      • Publisher: Daimond Pocket Books, Daryaganj

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now