fariyaad (fariyaadi aashna hai)

kahāñ ho 'ġhālibo' 'mīro' 'nazīro'

kahāñ ho merī zulfoñ ke asīro

merī sahbā ke paimāno, kahāñ ho

kahāñ ho mere dīvāno kahāñ ho

kahāñ ho ālimo masnad-nashīno

mire ḳhvān-e-atā ke reza-chīno

sila kuchh to vafā kā do kahāñ ho

kahāñ ho mere shahzādo kahāñ ho

kahāñ ho ai mire dar ke gadāo

kam-az-kam apnī sūrat to dikhāo

ki meñ lāchār ho kar rah ga.ī huuñ

bahut bīmār ho kar rah ga.ī huuñ

kahāñ ho ai qalam-kāro, jiyālo

mujhe kursī-nashīnoñ se bachā lo

ye mujh se duur hote jā rahe haiñ

bahut maġhrūr hote jā rahe haiñ

mirī roTī pe hotā hai guzārā

magar chhoḌā hai mujh ko be-sahārā

sila apnī vafā kā pā chukī huuñ

meñ un ke ghar se rāñdī jā chukī huuñ

haqīqat hai ki meñ us kī amiiñ huuñ

ye ghar merā hai lekin maiñ nahīñ huuñ

mire hī naam se ohda milā hai

mire sadqe meñ in kā tantana hai

magar ye mujh ko khāte jā rahe haiñ

mirī hastī miTāte jā rahe haiñ

suhāgan thī abhāgan ho ga.ī huuñ

meñ dar dar kī bhikāran ho ga.ī huuñ

kahan ho 'ghaalibo' 'miro' 'naziro'

kahan ho meri zulfon ke asiro

meri sahba ke paimano, kahan ho

kahan ho mere diwano kahan ho

kahan ho aalimo masnad-nashino

mere KHwan-e-ata ke reza-chino

sila kuchh to wafa ka do kahan ho

kahan ho mere shahzado kahan ho

kahan ho ai mere dar ke gadao

kam-az-kam apni surat to dikhao

ki mein lachaar ho kar rah gai hun

bahut bimar ho kar rah gai hun

kahan ho ai qalam-karo, jiyalo

mujhe kursi-nashinon se bacha lo

ye mujh se dur hote ja rahe hain

bahut maghrur hote ja rahe hain

meri roTi pe hota hai guzara

magar chhoDa hai mujh ko be-sahaara

sila apni wafa ka pa chuki hun

mein un ke ghar se randi ja chuki hun

haqiqat hai ki mein us ki amin hun

ye ghar mera hai lekin main nahin hun

mere hi nam se ohda mila hai

mere sadqe mein in ka tantana hai

magar ye mujh ko khate ja rahe hain

meri hasti miTate ja rahe hain

suhagan thi abhagan ho gai hun

mein dar dar ki bhikaran ho gai hun