aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

walid sahab ke nam

Tahir Shaheer

walid sahab ke nam

Tahir Shaheer

MORE BYTahir Shaheer

    azīz-tar mujhe rakhtā hai vo rag-e-jāñ se

    ye baat sach hai mirā baap kam nahīñ maañ se

    vo maañ ke kahne pe kuchh ro.ab mujh pe rakhtā hai

    yahī hai vaj.h mujhe chūmte jhijhaktā hai

    vo āshnā mire har karb se rahe har dam

    jo khul ke ro nahīñ paatā magar sisaktā hai

    juḌī hai us har ik haañ faqat mirī haañ se

    ye baat sach hai mirā baap kam nahīñ maañ se

    har ek dard vo chup-chāp ḳhud pe sahtā hai

    tamām umr vo apnoñ se kaT ke rahtā hai

    vo lauTtā hai kahīñ raat der ko din bhar

    vajūd us pasīne meñ Dhal ke bahtā hai

    gile haiñ phir bhī mujhe aise chāk-dāmāñ se

    ye baat sach hai mirā baap kam nahīñ maañ se

    purānā suiT pahantā hai kam vo khātā hai

    magar khilaune mire sab ḳharīd laatā hai

    vo mujh ko so.e hue dekhtā hai bhar ke

    na jaane soch ke kyā kyā vo muskurātā hai

    mire baġhair haiñ sab ḳhvāb us ke vīrāñ se

    ye baat sach hai mirā baap kam nahīñ maañ se

    aziz-tar mujhe rakhta hai wo rag-e-jaan se

    ye baat sach hai mera bap kam nahin man se

    wo man ke kahne pe kuchh roab mujh pe rakhta hai

    yahi hai wajh mujhe chumte jhijhakta hai

    wo aashna mere har karb se rahe har dam

    jo khul ke ro nahin pata magar sisakta hai

    juDi hai us ki har ek han faqat meri han se

    ye baat sach hai mera bap kam nahin man se

    har ek dard wo chup-chap KHud pe sahta hai

    tamam umr wo apnon se kaT ke rahta hai

    wo lauTta hai kahin raat der ko din bhar

    wajud us ka pasine mein Dhal ke bahta hai

    gile hain phir bhi mujhe aise chaak-daman se

    ye baat sach hai mera bap kam nahin man se

    purana suiT pahanta hai kam wo khata hai

    magar khilaune mere sab KHarid lata hai

    wo mujh ko soe hue dekhta hai ji bhar ke

    na jaane soch ke kya kya wo muskuraata hai

    mere baghair hain sab KHwab us ke viran se

    ye baat sach hai mera bap kam nahin man se

    Videos
    This video is playing from YouTube

    Videos
    This video is playing from YouTube

    Fahad

    Fahad

    Source:

    Scan File WhatsApp By Salim Saleem

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now