main aur hi koi hadisa hun

maiñ ab nayā koī hindisa huuñ

maiñ aur koī hindisa huuñ

tumhāre pahlū meñ kal se ab tak

jo ik ba-sūrat sifar sifar thī

vo maiñ nahīñ thī

jo tujh meñ tere safar kī dhun thī

jo ḳhud musāfir na ho ke bas terī rahguzar thī

vo maiñ nahīñ thī

vo maiñ nahīñ huuñ

jo apne siine kī aag de kar

tire suroñ kā suhāg bhar thī

jo terī duniyā kā raag bhar thī

vo maiñ nahīñ thī

suno tazabzub kī qaid pighlī

maiñ ek nishchit uḌaan huuñ ab

jo ik anishchit, agar magar thī

vo maiñ nahīñ thī vo maiñ nahīñ huuñ

maiñ ab nayā koī hādisa huuñ

maiñ ab na.ī koī intihā huuñ

chalo ye maanā maiñ sāneha huuñ

chalo ye sach hai maiñ ik sazā huuñ

magar jo ab tak tumhāre pahlū meñ

ik ba-sūrat sifar sifar thī

vo maiñ nahīñ thī

vo maiñ nahīñ huuñ

main ab naya koi hindisa hun

main aur koi hindisa hun

tumhaare pahlu mein kal se ab tak

jo ek ba-surat sifar sifar thi

wo main nahin thi

jo tujh mein tere safar ki dhun thi

jo KHud musafir na ho ke bas teri rahguzar thi

wo main nahin thi

wo main nahin hun

jo apne sine ki aag de kar

tere suron ka suhag bhar thi

jo teri duniya ka rag bhar thi

wo main nahin thi

suno tazabzub ki qaid pighli

main ek nishchit uDan hun ab

jo ek anishchit, agar magar thi

wo main nahin thi wo main nahin hun

main ab naya koi hadisa hun

main ab nai koi intiha hun

chalo ye mana main saneha hun

chalo ye sach hai main ek saza hun

magar jo ab tak tumhaare pahlu mein

ek ba-surat sifar sifar thi

wo main nahin thi

wo main nahin hun