ek chhabeli eid

ek chhabelī na.ī-navelī sundar pyārī laḌkī

na.e chāñd kī nūrānī kashtī se nīche utrī

āsmān se le kar zamīñ tak phuul girā.e us ne

jidhar jidhar se guzrī ghar āñgan mahkā.e us ne

ik albelī na.ī-navelī duudh sī ujlī laḌkī

shiir ḳhorma aur siva.iyāñ khātī khilātī i

nirdhan aur dhanvān sabhī se hañstī hañsātī i

qadam qadam par ḳhushiyoñ kī sauġhāt luTātī i

ek chhabelī na.ī-navelī naTkhaT chanchal laḌkī

rañg-birañgī poshākoñ meñ mela ghuum rahī hai

jhapaT rahī hai sab se eidī ḳhush hai jhuum rahī hai

aaj to saare din hī goyā us kī dhuum rahī hai

ek chhabelī na.ī-navelī eid chalī aa.ī hai

kitnī ḳhushiyāñ kitne naġhme dāman meñ laa.ī hai

ek chhabeli nai-naweli sundar pyari laDki

nae chand ki nurani kashti se niche utri

aasman se le kar zamin tak phul girae us ne

jidhar jidhar se guzri ghar aangan mahkae us ne

ek albeli nai-naweli dudh si ujli laDki

shir KHorma aur siwaiyan khati khilati i

nirdhan aur dhanwan sabhi se hansti hansati i

qadam qadam par KHushiyon ki saughat luTati i

ek chhabeli nai-naweli naTkhaT chanchal laDki

rang-birangi poshakon mein mela ghum rahi hai

jhapaT rahi hai sab se eidi KHush hai jhum rahi hai

aaj to sare din hi goya us ki dhum rahi hai

ek chhabeli nai-naweli eid chali aai hai

kitni KHushiyan kitne naghme daman mein lai hai