flodniDedan

tirī ḳhāmosh-mohabbat ko na samjhā koī

be-zabānī tirī iz.hār banī thī jis kā

tire jazbāt tire ehsāsāt

kabhī shādābī se terī kabhī kumlāhaT se

āshkārā the magar koī na samjhā tirī baat

zindagī bhī tirī poshīda thī insānoñ se

phir bhī kuchh logoñ ne daulat ke liye naal samajh kar tujh se

drawing-rōm apne sajā rakkhe haiñ

martabānoñ meñ tavajjoh se lagāyā hai tujhe

kitnī yak-tarfa rahī hai tirī chaah

lekin is daur meñ kuchh log zabāñ-dāñ haiñ tire

mil gayā hai tirī ḳhāmosh mohabbat ko javāb

der hī se sahī insān kā dil jaagā hai

aaj bhī rañj meñ rāhat meñ hai tū us kī sharīk

us kā ġham rakhtā hai afsurda tujhe

aur ḳhushiyāñ tujhe sarsabz banā detī haiñ

lekin ab bhī bahut aise haiñ nahīñ jin ko ḳhabar

un pe jo bīt.tī hai tujh pe guzar jaatī hai

raas be-mehrī-e-insāñ tujhe kab aatī hai

rañj kī aañch se tū suukh ke rah jaatī hai

teri KHamosh-mohabbat ko na samjha koi

be-zabani teri izhaar bani thi jis ka

tere jazbaat tere ehsasat

kabhi shadabi se teri kabhi kumlahaT se

aashkara the magar koi na samjha teri baat

zindagi bhi teri poshida thi insanon se

phir bhi kuchh logon ne daulat ke liye nal samajh kar tujh se

drawing-room apne saja rakkhe hain

martabanon mein tawajjoh se lagaya hai tujhe

kitni yak-tarfa rahi hai teri chah

lekin is daur mein kuchh log zaban-dan hain tere

mil gaya hai teri KHamosh mohabbat ko jawab

der hi se sahi insan ka dil jaga hai

aaj bhi ranj mein rahat mein hai tu us ki sharik

us ka gham rakhta hai afsurda tujhe

aur KHushiyan tujhe sarsabz bana deti hain

lekin ab bhi bahut aise hain nahin jin ko KHabar

un pe jo bitti hai tujh pe guzar jati hai

ras be-mehri-e-insan tujhe kab aati hai

ranj ki aanch se tu sukh ke rah jati hai