gham ka aahang hai

ġham kā āhañg hai

is shaam kī tanhā.ī meñ

dām-e-nairañg hai

āġhāz kā anjām liye

koī naġhma koī ḳhushbū nahīñ

purvā.ī meñ

dil ke ā.īne meñ

aur ruuh kī gahrā.ī meñ

ek hī aks ka.ī naam liye

raqs meñ hai

partav-e-husn-e-dil-ārām liye

phir tire dhyān meñ baiThā huuñ

tahī jaam liye

hasrat-e-sa.ī-talab

be-sar-o-sāmān bhī hai

saḳht haijān bhī hai

jalte bujhte se diye

ziist kī pahnā.ī meñ

vaqt kī jhiil meñ

yādoñ ke kañval

duur tak dhund ke malbūs meñ

mānūs nuqūsh

chāñdnī raat pavan

tāj-mahal

talḳh maazī kī hikāyāt haiñ

aur haal ke afsāne bhī

muntashir ḳhvāb haiñ

vīrān sanam-ḳhāne bhī

haañ magar yaad

tere vasl kā paimān bhī hai

ek muddat se

tirī diid kā armān bhī hai!!

gham ka aahang hai

is sham ki tanhai mein

dam-e-nairang hai

aaghaz ka anjam liye

koi naghma koi KHushbu nahin

purwai mein

dil ke aaine mein

aur ruh ki gahrai mein

ek hi aks kai nam liye

raqs mein hai

partaw-e-husn-e-dil-aram liye

phir tere dhyan mein baiTha hun

tahi jam liye

hasrat-e-sai-talab

be-sar-o-saman bhi hai

saKHt haijaan bhi hai

jalte bujhte se diye

zist ki pahnai mein

waqt ki jhil mein

yaadon ke kanwal

dur tak dhund ke malbus mein

manus nuqush

chandni raat pawan

taj-mahal

talKH mazi ki hikayat hain

aur haal ke afsane bhi

muntashir KHwab hain

viran sanam-KHane bhi

han magar yaad

tere wasl ka paiman bhi hai

ek muddat se

teri did ka arman bhi hai!!