gharibon ka git

ġharībī ko miTā deñge ġharībī ko miTā deñge

ham apne bāzuoñ kā zor duniyā ko dikhā.eñge

havas ke āsmāñ bar-dosh mahloñ ko girā deñge

dar-e-insāniyat par zālimoñ ke sar jhukā deñge

ġharībī ko miTā deñge ġharībī ko miTā deñge

kisī ke aish se be-vāsta ranjish nahīñ ham ko

kisī ke sīm-o-zar se be-sabab kāvish nahīñ ham ko

kisī par zulm Dhāne kī kabhī ḳhvāhish nahīñ ham ko

magar ham zulm ke baḌhte hue sho.ale bujhā deñge

ġharībī ko miTā deñge ġharībī ko miTā deñge

gharibi ko miTa denge gharibi ko miTa denge

hum apne bazuon ka zor duniya ko dikhaenge

hawas ke aasman bar-dosh mahlon ko gira denge

dar-e-insaniyat par zalimon ke sar jhuka denge

gharibi ko miTa denge gharibi ko miTa denge

kisi ke aish se be-wasta ranjish nahin hum ko

kisi ke sim-o-zar se be-sabab kawish nahin hum ko

kisi par zulm Dhane ki kabhi KHwahish nahin hum ko

magar hum zulm ke baDhte hue shoale bujha denge

gharibi ko miTa denge gharibi ko miTa denge