ghaDi mein aks-e-insan

ghar kī baiThak meñ ik mez par

ik purānī ghaḌī

sub.h se shaam tak

shaam se sub.h tak

aur phir is tarah

sub.h se shaam tak

shaam se sub.h tak

vaqt ke dā.ere meñ musalsal ka.ī saal se

kar rahī hai safar

manzil-e-intihā se bahut duur hai aaj tak vo magar

asl meñ us kī manzil nahīñ hai koī

aaj maiñ der tak ġhaur se us ko taktā rahā

aur us meñ mujhe aks-e-insāñ dikhā.ī diyā

ghar ki baiThak mein ek mez par

ek purani ghaDi

subh se sham tak

sham se subh tak

aur phir is tarah

subh se sham tak

sham se subh tak

waqt ke daere mein musalsal kai sal se

kar rahi hai safar

manzil-e-intiha se bahut dur hai aaj tak wo magar

asl mein us ki manzil nahin hai koi

aaj main der tak ghaur se us ko takta raha

aur us mein mujhe aks-e-insan dikhai diya