gosht ki saDkon par

phuul baasī ho ga.e haiñ

lams kī shiddat se thak kar

haath jhūTe ho ga.e haiñ

is jagah kal nahr thī aur aaj dariyā bah rahā hai

būḌhā māñjhī kah rahā hai

ḳhvāhishoñ ke peḌ par laTke hue

sāyoñ ko dīmak khā rahī hai

vaqt kī naalī meñ

sūraj chāñd taare bah rahe haiñ

barf ke jañgal se shole uTh rahe haiñ

ḳhvāb ke jalte hue chīte

merī āñkhoñ meñ aa kar chhup ga.e haiñ

ghar kī dīvāroñ pe

tanhā.ī ke bichchhū reñgte haiñ

tishnagī ke saañp

ḳhālī paanī ke maTke meñ apnā muñh chhupā.e ro rahe haiñ

raat ke bahke hue hāthī

ufuq ke band darvāze pe dastak de rahe haiñ

haath chhoḌo

haath meñ kāñTā chubhā hai

tiin din se phāñs andar hai

nikaltī hī nahīñ

naam kyā hai aur kahāñ rahte ho tum

jaamā masjid ke qarīb

kahte haiñ masjid ke mīnāre bhī the

shahr meñ ik zalzala aayā thā jis se gir ga.e

gosht kī saḌkoñ pe

kaale ḳhuun ke sāyoñ kā sūraj chal rahā hai

lazzatoñ kī aag meñ tan jal rahā hai

phul basi ho gae hain

lams ki shiddat se thak kar

hath jhuTe ho gae hain

is jagah kal nahr thi aur aaj dariya bah raha hai

buDha manjhi kah raha hai

KHwahishon ke peD par laTke hue

sayon ko dimak kha rahi hai

waqt ki nali mein

suraj chand tare bah rahe hain

barf ke jangal se shole uTh rahe hain

KHwab ke jalte hue chite

meri aankhon mein aa kar chhup gae hain

ghar ki diwaron pe

tanhai ke bichchhu rengte hain

tishnagi ke sanp

KHali pani ke maTke mein apna munh chhupae ro rahe hain

raat ke bahke hue hathi

ufuq ke band darwaze pe dastak de rahe hain

hath chhoDo

hath mein kanTa chubha hai

tin din se phans andar hai

nikalti hi nahin

nam kya hai aur kahan rahte ho tum

jama masjid ke qarib

kahte hain masjid ke minare bhi the

shahr mein ek zalzala aaya tha jis se gir gae

gosht ki saDkon pe

kale KHun ke sayon ka suraj chal raha hai

lazzaton ki aag mein tan jal raha hai