ghubar-e-KHatir-e-mahfil Thahar jae

kahīñ to kārvān-e-dard kī manzil Thahar jaa.e

kināre aa lage umr-e-ravāñ yā dil Thahar jaa.e

amaañ kaisī ki mauj-e-ḳhūñ abhī sar se nahīñ guzrī

guzar jaa.e to shāyad bāzu-e-qātil Thahar jaa.e

koī dam bādbān-e-kashtī-e-sahbā ko tah rakkho

zarā Thahro ġhubār-e-ḳhātire-mahfil Thahar jaa.e

ḳhum-e-sāqī meñ juz zahr-e-halāhal kuchh nahīñ baaqī

jo ho mahfil meñ is ikrām ke qābil Thahar jaa.e

hamārī ḳhāmushī bas dil se lab tak ek vaqfa hai

ye tūfāñ hai jo pal bhar bar-lab-e-sāhil Thahar jaa.e

nigāh-e-muntazir kab tak karegī ā.īña-bandī

kahīñ to dasht-e-ġham meñ yaar kā mahmil Thahar jaa.e

kahin to karwan-e-dard ki manzil Thahar jae

kinare aa lage umr-e-rawan ya dil Thahar jae

aman kaisi ki mauj-e-KHun abhi sar se nahin guzri

guzar jae to shayad bazu-e-qatil Thahar jae

koi dam baadban-e-kashti-e-sahba ko tah rakkho

zara Thahro ghubar-e-KHatire-mahfil Thahar jae

KHum-e-saqi mein juz zahr-e-halahal kuchh nahin baqi

jo ho mahfil mein is ikram ke qabil Thahar jae

hamari KHamushi bas dil se lab tak ek waqfa hai

ye tufan hai jo pal bhar bar-lab-e-sahil Thahar jae

nigah-e-muntazir kab tak karegi aaina-bandi

kahin to dasht-e-gham mein yar ka mahmil Thahar jae