guDiya

khilaunā to nahīñ huuñ maiñ

nā miTTī kā koī but huuñ

ki jab tum haath ko moḌo nahīñ hogī mujhe taklīf

ki jab tum aañkh ko phoḌo to chīḳheñ bhī na nikleñgī

binā soche

binā dekhe mirī shādī kisī guDDe se kar doge

mire sar meñ kisī bhī naam kā sindūr bhar doge

mujhe mujh se binā pūchhe mujhī se duur kar doge

suno ye jaan lo tum bhī

suno ye jaan lo tum bhī

muravvat chhoḌ dī maiñ ne

jise guḌiyā samajhte the

vo guḌiyā toḌ dī maiñ ne

khilauna to nahin hun main

na miTTi ka koi but hun

ki jab tum hath ko moDo nahin hogi mujhe taklif

ki jab tum aankh ko phoDo to chiKHen bhi na niklengi

bina soche

bina dekhe meri shadi kisi guDDe se kar doge

mere sar mein kisi bhi nam ka sindur bhar doge

mujhe mujh se bina puchhe mujhi se dur kar doge

suno ye jaan lo tum bhi

suno ye jaan lo tum bhi

murawwat chhoD di main ne

jise guDiya samajhte the

wo guDiya toD di main ne