guftani-o-na-guftani

har roz kar rahe haiñ sharārat na.ī na.ī

vo log jin se sharm-e-rasūl-e-ḳhudā ga.ī

jin ke zamīr-o-zarf pe taḳhlīq sharmsār

jin ke dil-o-dimāġh kā sāñcha hai surma.ī

kyā pūchhte ho ummat-e-ahmad-razā kā haal

andar se dāġh-dār to bāhar se champa.ī

rīsh-e-darāz zulf-e-chalīpā se faizyāb

us lo’bat-e-farañg ke shauhar ka.ī ka.ī

maslak meñ un ke honorary muḳhbirī halāl

maz.hab hai is zalīl gharauñde kā nuqra.ī

māthe pe farsh-e-bos-e-rivāyāt kā ġhubār

chehra ba-faiz-e-halqa-e-ushshāq agra.ī

ham aise kushtagān-e-vafā ke ḳhilāf haiñ

'asrār' ḳhāndān-e-kalā.ū ke mujra.ī

har roz kar rahe hain shararat nai nai

wo log jin se sharm-e-rasul-e-KHuda gai

jin ke zamir-o-zarf pe taKHliq sharmsar

jin ke dil-o-dimagh ka sancha hai surmai

kya puchhte ho ummat-e-ahmad-raza ka haal

andar se dagh-dar to bahar se champai

rish-e-daraaz zulf-e-chalipa se faizyab

us lo’bat-e-farang ke shauhar kai kai

maslak mein un ke honorary muKHbiri halal

mazhab hai is zalil gharaunde ka nuqrai

mathe pe farsh-e-bos-e-riwayat ka ghubar

chehra ba-faiz-e-halqa-e-ushshaq agrai

hum aise kushtagan-e-wafa ke KHilaf hain

'asrar' KHandan-e-kalau ke mujrai