gujraat ki raat

aaj qismat se nazar aa.ī hai barsāt kī raat

kyā bigaḌ jā.egā rah jaao yahīñ raat kī raat

un kī pā-bosī ko jaa.e to sabā kah denā

aaj tak yaad hai vo aap ke gujrāt kī raat

jis meñ salmā ke tasavvur ke haiñ taare raushan

merī āñkhoñ hai vo ālam-e-jazbāt kī raat

haa.e vo mast ghaTā haa.e vo salmā kī adā

aah vo rūd-e-chanāb aah vo gujrāt kī raat

mere siine meñ idhar zulf-e-muattar kā hujūm

aah vo zulf ki āvāra ḳharābāt kī raat

sat.h-e-doyā pe idhar nashshe meñ lahrā.ī huī

rañg laa.ī huī chhā.ī huī barsāt kī raat

uf vo soī huī khoī huī fitrat kī bahār

uf vo mahkī huī bahkī huī barsāt kī raat

phir vo armān ham-āġhoshī kā jazb-e-gustāḳh

aah vo raat vo salmā se mulāqāt kī raat

kyuuñ na un donoñ pe miTne kī ho hasrat aḳhtar

uf vo us raat kī baat aah vo us baat kī raat

aaj qismat se nazar aai hai barsat ki raat

kya bigaD jaega rah jao yahin raat ki raat

un ki pa-bosi ko jae to saba kah dena

aaj tak yaad hai wo aap ke gujraat ki raat

jis mein salma ke tasawwur ke hain tare raushan

meri aankhon hai wo aalam-e-jazbaat ki raat

hae wo mast ghaTa hae wo salma ki ada

aah wo rud-e-chanab aah wo gujraat ki raat

mere sine mein idhar zulf-e-muattar ka hujum

aah wo zulf ki aawara KHarabaat ki raat

sath-e-doya pe idhar nashshe mein lahrai hui

rang lai hui chhai hui barsat ki raat

uf wo soi hui khoi hui fitrat ki bahaar

uf wo mahki hui bahki hui barsat ki raat

phir wo arman ham-aghoshi ka jazb-e-gustaKH

aah wo raat wo salma se mulaqat ki raat

kyun na un donon pe miTne ki ho hasrat aKHtar

uf wo us raat ki baat aah wo us baat ki raat