aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gul-chandni

Zehra Nigaah

gul-chandni

Zehra Nigaah

MORE BYZehra Nigaah

    kal shaam yaad aayā mujhe!

    aise ki jaise ḳhvāb thā

    kone meñ āñgan ke mire

    gul-chāñdnī piiḌā thā

    maiñ saarī saarī dopahar

    saa.e meñ us ke kheltī

    phūloñ ko chhū kar bhāgtī

    shāḳhoñ se mil kar jhūltī

    is ke tane meñ bīsiyoñ!

    lohe ki kīleñ thiiñ jaḌī

    kīloñ ko mat chhūnā kabhī

    tākīd thī mujh ko yahī!

    ye raaz mujh pe faash thā

    is peḌ par aaseb thaa!

    ik mard-e-kāmil ne magar

    aisā amal us par kiyā

    bāhar vo aa saktā nahīñ!!

    kīloñ meñ us ko jaḌ diyā

    haañ koī kīloñ ko agar

    khīñgā uupar taraf!

    aaseb bhī chhuT jā.egā

    phūloñ ko bhī khā jā.egā

    pattoñ pe bhī mañDlāyegā

    phir dekhte dekhte

    ye ghar ghar jal jā.egā

    is sahn-e-jism-o-jāñ meñ bhī

    gul chāñdnī peḌ hai!

    sab phuul mere saath haiñ

    patte mire hamrāz haiñ

    is peḌ saaya mujhe!

    ab bhī bahut mahbūb hai

    is ke tane meñ aaj tak

    aaseb vo mahsūr hai

    ye sochtī huuñ aaj bhii!

    kīloñ ko gar chheḌā kabhī

    aaseb bhī chhuT jā.egā

    pattoñ se kiyā lenā use

    phūloñ se kiyā matlab use

    bas ghar mirā jal jā.egā

    kyā ghar mirā jal jā.egā?

    kal sham yaad aaya mujhe!

    aise ki jaise KHwab tha

    kone mein aangan ke mere

    gul-chandni ka piDa tha

    main sari sari dopahar

    sae mein us ke khelti

    phulon ko chhu kar bhagti

    shaKHon se mil kar jhulti

    is ke tane mein bisiyon!

    lohe ki kilen thin jaDi

    kilon ko mat chhuna kabhi

    takid thi mujh ko yahi!

    ye raaz mujh pe fash tha

    is peD par aaseb tha!

    ek mard-e-kaamil ne magar

    aisa amal us par kiya

    bahar wo aa sakta nahin!!

    kilon mein us ko jaD diya

    han koi kilon ko agar

    khinga upar ki taraf!

    aaseb bhi chhuT jaega

    phulon ko bhi kha jaega

    patton pe bhi manDlayega

    phir dekhte hi dekhte

    ye ghar ka ghar jal jaega

    is sahn-e-jism-o-jaan mein bhi

    gul chandni ka peD hai!

    sab phul mere sath hain

    patte mere hamraaz hain

    is peD ka saya mujhe!

    ab bhi bahut mahbub hai

    is ke tane mein aaj tak

    aaseb wo mahsur hai

    ye sochti hun aaj bhi!

    kilon ko gar chheDa kabhi

    aaseb bhi chhuT jaega

    patton se kiya lena use

    phulon se kiya matlab use

    bas ghar mera jal jaega

    kya ghar mera jal jaega?

    RECITATIONS

    Zehra Nigaah

    Zehra Nigaah,

    Zehra Nigaah

    gul-chandni Zehra Nigaah

    Source:

    Shaam Kaa Phahlaa Taaraa (Pg. 41)

    • Author: Zehra Nigaah
      • Edition: 1980
      • Publisher: Shabbir Ahmed Bhattii
      • Year of Publication: 1980
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now