guman

bas ek chhoTī sī bahs par hī chale ga.e ho

kināra kar ke

bahut se da.ave kiye the tum ne

maiñ pahle din se hī jāntā thā

tamām da.ave haiñ vaqtī jazboñ ke zer-e-sāya

kabhī kahā to nahīñ ye lekin

maiñ jāntā thā

tumheñ mohabbat nahīñ hai mujh se

faqat gumāñ hai

maiñ māntā huuñ ki pyaar aatā thā mujh pe tum ko

so pyaar aane ko pyaar honā samajh rahe the

magar jo aatā hai jaan merī

to us kā jaanā bhī tai hī samjho

bas ek chhoTī sī bahs par hī chale ga.e ho

bas ek chhoTi si bahs par hi chale gae ho

kinara kar ke

bahut se dawe kiye the tum ne

main pahle din se hi jaanta tha

tamam dawe hain waqti jazbon ke zer-e-saya

kabhi kaha to nahin ye lekin

main jaanta tha

tumhein mohabbat nahin hai mujh se

faqat guman hai

main manta hun ki pyar aata tha mujh pe tum ko

so pyar aane ko pyar hona samajh rahe the

magar jo aata hai jaan meri

to us ka jaana bhi tai hi samjho

bas ek chhoTi si bahs par hi chale gae ho