had

tumheñ shāyad ḳhayāl aa.egā merā ek din lekin

maiñ us din raushnī kī had se bāhar jā chukā hūñgā

mohabbat aur ḳhushī kī had se bāhar jā chukā hūñgā

jo hai us zindagī kī had se bāhar jā chukā hūñgā

jo hai us zindagī kī had se bāhar jā nahīñ saktā

mohabbat aur ḳhushī kī had se bāhar jā nahīñ saktā

kabhī is raushnī kī had se bāhar jā nahīñ saktā

achānak ek din tum ko ḳhayāl aa.egā phir merā

maiñ ab shāyad tumhārī had se bāhar jā nahīñ saktā

tumhein shayad KHayal aaega mera ek din lekin

main us din raushni ki had se bahar ja chuka hunga

mohabbat aur KHushi ki had se bahar ja chuka hunga

jo hai us zindagi ki had se bahar ja chuka hunga

jo hai us zindagi ki had se bahar ja nahin sakta

mohabbat aur KHushi ki had se bahar ja nahin sakta

kabhi is raushni ki had se bahar ja nahin sakta

achanak ek din tum ko KHayal aaega phir mera

main ab shayad tumhaari had se bahar ja nahin sakta