hairat

sub.h ko shāḳh par

nuqta-e-ḳhud-nigar

yā numū kā asar

dūsrī sub.h vo

chashm-e-ḳhvābīda vā

kar ke kahne lagā

ye jahāñ ḳhūb-tar

kyā fazā kyā havā

chahchahe dilrubā

mustazād us pe ye

ham-chū man dīgare

ke buvad dar-jahāñ

nuqta-e-ḳhud-nigar

jo ki thā ik sharar

ban gayā sho.ala-ḳhū

markaz-e-har-nazar

dāman-e-bād ne kuchh havā us ko dī

us kī lapToñ se dāmān-e-sahn-e-chaman

thā mo.attar mo.attar magar shaam tak

sub.h dīgar usī dāman-e-bād ne

sab ma.āsir numū ke kiye muntashir

chashm-e-hairat khulī kī khulī rah ga.ī

muḳhtasar itnī thī

itnī thī muḳhtasar

subh ko shaKH par

nuqta-e-KHud-nigar

ya numu ka asar

dusri subh wo

chashm-e-KHwabida wa

kar ke kahne laga

ye jahan KHub-tar

kya faza kya hawa

chahchahe dilruba

mustazad us pe ye

ham-chu man digare

ke buwad dar-jahan

nuqta-e-KHud-nigar

jo ki tha ek sharar

ban gaya shoala-KHu

markaz-e-har-nazar

daman-e-baad ne kuchh hawa us ko di

us ki lapTon se daman-e-sahn-e-chaman

tha moattar moattar magar sham tak

subh digar usi daman-e-baad ne

sab maasir numu ke kiye muntashir

chashm-e-hairat khuli ki khuli rah gai

muKHtasar itni thi

itni thi muKHtasar