hum ghubar-e-rahguzar

ham ġhubār-e-rahguzar

hai ye qissa muḳhtasar

sun zamīñ kī siskiyāñ

āsmāñ nīche utar

ek akelī jaan hai

chaar samtoñ meñ bhañvar

sau dukāneñ khul ga.iiñ

ik ḳhudā ke naam par

aadmī ḳhush hai bahut

aadmī ko maar kar

zindagī kā lutf le

imtihānoñ se guzar

zehn kī bedāriyāñ

ik musalsal dard-e-sar

aa.egī uftād bhī

ek din uftād par

ġhair se rishte banā

sahn meñ dīvār kar

vāqa.ī nārāz huuñ

rāsta hamvār kar

mutma.in se ho ga.e

aa.ine ko toḌ kar

āfateñ TūTīñ bahut

is dil-e-nādār par

lag kabhī siine se lag

kar kabhī hairān kar

āḳhirash jī hī liye

apne jī ko maar kar

ai ḳhudā mere ḳhudā

rāsta āsān kar

hum ghubar-e-rahguzar

hai ye qissa muKHtasar

sun zamin ki siskiyan

aasman niche utar

ek akeli jaan hai

chaar samton mein bhanwar

sau dukanen khul gain

ek KHuda ke nam par

aadmi KHush hai bahut

aadmi ko mar kar

zindagi ka lutf le

imtihanon se guzar

zehn ki bedariyan

ek musalsal dard-e-sar

aaegi uftad bhi

ek din uftad par

ghair se rishte bana

sahn mein diwar kar

waqai naraaz hun

rasta hamwar kar

mutmain se ho gae

aaine ko toD kar

aafaten TuTin bahut

is dil-e-nadar par

lag kabhi sine se lag

kar kabhi hairan kar

aaKHirash ji hi liye

apne ji ko mar kar

ai KHuda mere KHuda

rasta aasan kar