hum jaante hain

yuuñ hī milnā thā to pahle hī kahīñ mil jaate

is tarah kis liye

har moḌ pe ham ghabrāte

ab mile ho to

ajab tarah kā Dar hai jī ko

zindagī kī kahīñ ye bhī to koī chaal nahīñ

ab to yuuñ hai ki

ḳhushī pā ke bhī vahm aatā hai

ye bhī barbādī-e-dil kī to koī faal nahīñ

ḳhair aao chalo

do-chār ghaḌī mil baiTheñ

koī paimān-e-vafā bāñdheñ

na iqrār kareñ

tazkira shauq kā chheḌeñ na hī

inkār kareñ

koī darmāñ nahīñ is dard kā

tum jānte ho

koī hāsil nahīñ is ḳhvāb kā

ham jānte haiñ

jānte haiñ to

sañvāreñ na sitāre dil meñ

paas baiThe raheñ

bas yuuñ hī koī baat kareñ

yun hi milna tha to pahle hi kahin mil jate

is tarah kis liye

har moD pe hum ghabraate

ab mile ho to

ajab tarah ka Dar hai ji ko

zindagi ki kahin ye bhi to koi chaal nahin

ab to yun hai ki

KHushi pa ke bhi wahm aata hai

ye bhi barbaadi-e-dil ki to koi fal nahin

KHair aao chalo

do-chaar ghaDi mil baiThen

koi paiman-e-wafa bandhen

na iqrar karen

tazkira shauq ka chheDen na hi

inkar karen

koi darman nahin is dard ka

tum jaante ho

koi hasil nahin is KHwab ka

hum jaante hain

jaante hain to

sanwaren na sitare dil mein

pas baiThe rahen

bas yun hi koi baat karen