hum ki ek bhes liye phirte hain

kaun se des kī bābat pūchhe

vaqt ke dasht meñ phirtī

ye ḳhunuk sard havā

kin zamānoñ kī ye madfūn mahak

bad-numā shahr kī galiyoñ meñ uḌī phirtī hai

aur ye duur talak phailī huī

niiñd aur ḳhvāb se bojhal bojhal

e.atibār aur yaqīñ kī manzil

jis kī tā.īd meñ har shai hai

baqā hai lekin

apne manzar ke añdheroñ se pare

ham ḳhunuk sard havā sun bhī sakeñ

ham ki kis des kī pahchān meñ haiñ

ham ki kis lams kī tā.īd meñ haiñ

ham ki kis zo.am kī taufīq meñ haiñ

ham ki ik zabt-e-musalsal haiñ

zamānoñ ke abad se larzāñ

vahm ke ghar ke makīñ

apne hī des meñ pardes liye phirte haiñ

ham ki ik bhes liye phirte haiñ

kaun se des ki babat puchhe

waqt ke dasht mein phirti

ye KHunuk sard hawa

kin zamanon ki ye madfun mahak

bad-numa shahr ki galiyon mein uDi phirti hai

aur ye dur talak phaili hui

nind aur KHwab se bojhal bojhal

eatibar aur yaqin ki manzil

jis ki taid mein har shai hai

baqa hai lekin

apne manzar ke andheron se pare

hum KHunuk sard hawa sun bhi saken

hum ki kis des ki pahchan mein hain

hum ki kis lams ki taid mein hain

hum ki kis zoam ki taufiq mein hain

hum ki ek zabt-e-musalsal hain

zamanon ke abad se larzan

wahm ke ghar ke makin

apne hi des mein pardes liye phirte hain

hum ki ek bhes liye phirte hain