hum ko dekhe jo aankh wala ho

ham sadā Dafliyāñ bajāte haiñ

saarī duniyā ko varġhalāte haiñ

aur sab ko chuġhad banāte haiñ

ġhaib kī baat ham batāte haiñ

munfarid aur be-badal haiñ ham

haañ miyāñ intellectual haiñ ham

Taañg girne se TuuT jaa.e to

aañkh mirchoñ se phuuT jaa.e to

aql kā saath chhūT jaa.e to

sar pe dasan kā boot jaa.e to

ham atārid vahīñ aur zohal haiñ ham

haañ miyāñ intellectual haiñ ham

apnī bhoñDī ḳhirad ko bahlā.eñ

ḳhuub sābun se us ko nahlā.eñ

pyaar se us kī piiTh sahlā.eñ

aur sāhil pe us ko Tahlā.eñ

sar-ba-sar aql kā ḳhalal haiñ ham

haañ miyāñ intellectual haiñ ham

ham ki bas ek vaqt khāte haiñ

shaal kashmīr se mañgāte haiñ

shave ḳhud haath se banāte haiñ

chaa.e maiñ kuchh nahīñ milāte haiñ

be-muhābā haiñ bar-mahal haiñ ham

haañ miyāñ intellectual haiñ ham

dosto muñh hamārā kaalā ho

gar kabhī sar meñ tel Daalā ho

yā kahīñ chaal ko sambhālā ho

ham ko dekhe jo aañkh vaalā ho

ba-īñ-andāz bā-amal haiñ ham

haañ miyāñ itellectual haiñ ham

ham ki sūkhe hue shajar kī tarah

ek uljhī huī nazar kī tarah

saḳht sūkhī huī maTar kī tarah

kisī ma.ashūq kī kamar kī tarah

jis meñ paanī nahīñ vo nal haiñ ham

haañ miyāñ intellectual haiñ ham

ham haiñ expert chālbāzī meñ

doctor jazba-e-majāzī meñ

dastaras ham ko dil-navāzī meñ

aur m.a haiñ ja.alsāzī meñ

māddī ilm kā jabal haiñ ham

haañ miyāñ intellectual haiñ ham

kaam karte nahīñ akaḌte haiñ

baat be-bāt ham jhagaḌte haiñ

haath muñh dho ke pīchhe paḌte haiñ

rāste hī meñ dhar pakaḌte haiñ

do-piyāza haiñ bīrbal haiñ ham

haañ miyāñ intellectual haiñ ham

hum sada Dafliyan bajate hain

sari duniya ko warghalate hain

aur sab ko chughad banate hain

ghaib ki baat hum batate hain

munfarid aur be-badal hain hum

han miyan intellectual hain hum

Tang girne se TuT jae to

aankh mirchon se phuT jae to

aql ka sath chhuT jae to

sar pe dasan ka boot jae to

hum atarid wahin aur zohal hain hum

han miyan intellectual hain hum

apni bhonDi KHirad ko bahlaen

KHub sabun se us ko nahlaen

pyar se us ki piTh sahlaen

aur sahil pe us ko Tahlaen

sar-ba-sar aql ka KHalal hain hum

han miyan intellectual hain hum

hum ki bas ek waqt khate hain

shaal kashmir se mangate hain

shawe KHud hath se banate hain

chae main kuchh nahin milate hain

be-muhaba hain bar-mahal hain hum

han miyan intellectual hain hum

dosto munh hamara kala ho

gar kabhi sar mein tel Dala ho

ya kahin chaal ko sambhaala ho

hum ko dekhe jo aankh wala ho

ba-in-andaz ba-amal hain hum

han miyan itellectual hain hum

hum ki sukhe hue shajar ki tarah

ek uljhi hui nazar ki tarah

saKHt sukhi hui maTar ki tarah

kisi mashuq ki kamar ki tarah

jis mein pani nahin wo nal hain hum

han miyan intellectual hain hum

hum hain expert chaalbazi mein

doctor jazba-e-majazi mein

dastaras hum ko dil-nawazi mein

aur ma hain jalsazi mein

maddi ilm ka jabal hain hum

han miyan intellectual hain hum

kaam karte nahin akaDte hain

baat be-baat hum jhagaDte hain

hath munh dho ke pichhe paDte hain

raste hi mein dhar pakaDte hain

do-piyaza hain birbal hain hum

han miyan intellectual hain hum