hum sab ke dukh sanjhe hain

jīrāñ

tū har-vaqt ye kachchī chhat kā kyā ronā rotī hai

barsāteñ jaaḌe paale

garm havā aur dhuup sulagtī

mausam kī har saḳhtī

tujh ko sahnā hī hai

pakkī chhat ko dekh ke ThanDī aah na bhar

mere jaisī ban jaane kī chaah na kar

jo kuchh tū dekhā kartī hai

sab āñkhoñ kā dhokā hai

dukh ke mausam tujh se ziyāda

mere dil ne jhele haiñ

ham donoñ ke dukh sāñjhe haiñ

tere paas to lā-ilmī kī daulat hai

mere paas to vo bhī nahīñ hai

ḳhālī haath aur ḳhālī dil

bholī aurat tū kyā jaane

maiñ bhī tere jaisī kachchī chhat ke nīche rahtī huuñ

jiran

tu har-waqt ye kachchi chhat ka kya rona roti hai

barsaten jaDe pale

garm hawa aur dhup sulagti

mausam ki har saKHti

tujh ko sahna hi hai

pakki chhat ko dekh ke ThanDi aah na bhar

mere jaisi ban jaane ki chah na kar

jo kuchh tu dekha karti hai

sab aankhon ka dhoka hai

dukh ke mausam tujh se ziyaada

mere dil ne jhele hain

hum donon ke dukh sanjhe hain

tere pas to la-ilmi ki daulat hai

mere pas to wo bhi nahin hai

KHali hath aur KHali dil

bholi aurat tu kya jaane

main bhi tere jaisi kachchi chhat ke niche rahti hun