Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum

MORE BYZia Jalandhari

    1

    bichhī huī hai bisāt kab se

    zamāna shātir hai aur ham

    is bisāt ke zisht-o-ḳhūb-ḳhānoñ meñ

    dast-e-nādīda ke ishāroñ pe chal rahe haiñ

    bichhī huī hai bisāt azal se

    bichhī huī hai bisāt jis na ibtidā hai na intihā hai

    bisāt aisā ḳhalā hai jo vus.at-e-tasavvur se māvarā hai

    karishma-e-kā.enāt kyā hai

    bisāt par aate jaate mohroñ silsila hai

    bisāt sākit hai vaqt-e-mutlaq

    bisāt be-jumbish aur be-his hai

    apne mohroñ se lā-ta.alluq hai

    us ko is se ġharaz nahīñ hai

    ki kaun jiitā hai

    aur kis ne shikast khaa.ī

    vajūd hādis vajūd mohre

    bisāt-e-sākit vus.atoñ meñ

    zamīn ahl-e-zamīn aflāk ahl-e-aflāk

    apnī apnī muayyana sā.atoñ meñ aise guzar rahe haiñ

    ki jaise āñkhoñ se ḳhvāb guzreñ

    bisāt par jo bhī hai

    vo hone mohlatoñ meñ asiir

    paiham badal rahā hai

    vajūd vo hiddat-e-ravāñ hai

    jo nit-na.ī hai.atoñ meñ baaqī hai

    aur us ko fanā nahīñ

    jahāñ pahāḌoñ ke āsmāñ-bos silsile haiñ

    vahāñ kabhī bahr maujzan the

    jahāñ bayābāñ meñ ret uḌtī hai

    bād-e-masmūm gūñjtī hai

    vahāñ kabhī sabza-zār-o-gul-gasht samāñ thā

    buland-o-bālā haqīr-o-hech

    is shikast-o-ta.amīr ke tasalsul meñ bah rahe haiñ

    shikast-o-ta.amīr ke tasalsul meñ hai maiñ huuñ

    ham aise mohre

    jinheñ irāde diye ga.e haiñ

    ye jan taufīq par hadeñ haiñ

    jinheñ tamannā ke rañg dikhlā diye ga.e haiñ

    magar vasīloñ par qadġhaneñ haiñ

    jinheñ mohabbat ke Dhañg sikhlā diye ga.e haiñ

    pa dast-o-pā meñ salāsil-e-nau bano

    to gardan meñ tauq pahnā diye ga.e haiñ

    jo hai jo ab tak huā hai jo ho rahā hai

    us se kise mafar hai

    koī jo chāhe

    ki ahd-e-rafta se ek pal phir se lauT aa.e

    kahā huā lafz an-kahā ho sake

    to is aarzū hāsil vo jāntā hai

    bahut sahī iḳhtiyār-o-imkāñ

    barg-o-ḳhas tāb-o-majāl kyā hai

    numu-e-ġhuncha meñ us apnā kamāl kyā hai

    tirī nigāhoñ meñ terā ġham koh se girāñ-tar hai

    samajhtā hai

    tere siine ke surḳh laave se

    shahr-o-qarya pighal rahe haiñ

    ḳhizāñ zamistāñ tirī udāsī ke aa.ine haiñ

    mushta.il ho to zalzaloñ se zamīn kāñpe

    tujhe gumāñ hai

    ki gul khile haiñ tire tabassum pairvī meñ

    ye phuul ko iḳhtiyār kab thā

    ki kaun shāḳh par khile

    kaun kunj meñ muskurā.e

    aur kin fazāoñ meñ ḳhushbueñ bikhere

    nahīf sho.ala jamāl koñpal

    jo dast-e-nāzuk narm poroñ se dhīre dhīre

    darīcha-e-shāḳh khol kar

    sub.h sapedī meñ jhāñktī hai

    ye sochtī hai

    ki baaġh saarā usī ke dam se mahak rahā hai

    usī ke partav se gosha gosha damak rahā hai

    usī ke dīdār meñ magan

    ḳhushbuoñ se bojhal havāoñ meñ

    shoḳh titliyāñ raqs kar rahī haiñ

    vo be-ḳhabar hai

    ki shātir-e-vaqt nazar meñ

    koī ikaa.ī

    shajar hajar ho ki zī-nafas ho

    nizām-e-kul se alag nahīñ hai

    vo ye nahīñ jāntī ki hastī ke kār-ḳhāne meñ

    us honā na honā be-nām hādisa hai

    aur us ke hisse kul asāsa

    vo chand lamhe vo chand sāñseñ haiñ

    jin meñ vo ḳhvāb dekhtī hai

    salīqa-e-zāt se chaman ko sañvārne

    bahār-e-jāñ ko nikhārne

    2

    bajā ki nā-pā.edār hai ye vajūd merā

    maiñ ġhair-fānī hayāt ke silsile meñ

    ik biich kaḌī huuñ

    rahīn-e-gardish bhī markaz-e-kā.enāt bhī huuñ

    jo maiñ ne dekhā hai vo mire ḳhuuñ meñ rach gayā hai

    jo maiñ ne sochā hai mujh meñ zinda hai

    aur jo kuchh sunā hai mujh meñ samā gayā hai

    havā sūrat har ek ehsās

    merī sāñsoñ meñ rahā hai

    har ek manzar mire tasavvur meñ bas gayā hai

    maiñ zāt-e-mahdūd apnī pahnā.iyoñ meñ

    ik kā.enāt bhī huuñ

    mirī ragoñ meñ vo joshash-e-jāvedāñ ravāñ hai

    jo shāḳh meñ phuul numū hai

    jo bahr meñ mauj taḌap hai

    par-e-kabūtar meñ tāb-e-parvāz hai

    sitāroñ meñ raushnī hai

    maiñ apne hone ke sab havāloñ meñ rūnumā huuñ

    maiñ jā-ba-jā sūrat-e-sabā huuñ

    ġhazāl-e-ḳhush-chashm kaliyoñ meñ kheltā huuñ

    humakte bachche muskurāhaT huuñ

    pīr-e-shab-ḳhez duā huuñ

    maiñ mehr meñ māhtāb meñ huuñ

    ye kaisī chāhat hai jis se maiñ

    ek mustaqil iztirāb meñ huuñ

    vo kaun manzil talab thī

    ki rāñjhā rāñjhā pukārtī hiir

    aap rāñjhā ho ga.ī thī

    falak se anvār

    koh se chashme

    shāḳh se phuul phūTte haiñ

    magar har ik phuul meñ namī bhī hai raushnī bhī

    zabāñ meñ alfāz

    aañkh meñ diid

    dil meñ ehsās rakh diye ga.e haiñ

    pa lafz ehsās diid ik dūsre paivand ho ga.e haiñ

    numū-o-taḳhlīq ke amal baar baar dohrā.e rahe haiñ

    jamāl-e-arz-o-samā takmīl ho rahī hai

    mohabbat e.ajāz-e-sarmadī hai

    tumhārī āñkhoñ muskurāhaT meñ

    merī chāhat raushnī hai

    yūñhī shagūfoñ ke paas baiThī raho

    shuāoñ ko āriz-o-lab se khelne do

    havā ke hāthoñ ko apne gesū bikherne do

    bahār saarī ḳhushbueñ

    apne bāzuoñ meñ sameT lo

    mere chashm-o-dil ko yaqīn dilāo

    ki tum faqat ḳhvāb nahīñ ho

    guzarte bādal koī aks-e-ravāñ nahīñ ho

    tum ik haqīqat ho mahz vahm-o-gumāñ nahīñ ho

    mire qarīb aao aur mirī zaat ko miTā do

    mujhe tum apne jamāl zau meñ jazb kar lo

    visāl meñ fard fanā hai

    visāl meñ fard baqā hai

    visāl meñ fard baqā hai

    bahār diid aarzī hai

    bahār-e-tajrīd dā.imī hai

    vidā.a ke vaqt āñsuoñ meñ

    vo saare manzar jhalak rahe haiñ

    jo shāḳh-e-jāñ par guloñ sūrat khile hue the

    vo saare imkāñ jhalak rahe haiñ

    jo kirchī kirchī bikhar ga.e haiñ

    bikharne vāloñ ko apne markaz aarzū hai

    nahīñ mujhe is tarah na dekho

    ki jaise nazroñ meñ ruuh tak umDī aa rahī ho

    ye haath kuchh der aur rahne do mere hāthoñ meñ

    kuchh na bolo

    ki maiñ ye nāyāb lamhe āñkhoñ meñ jazb kar luuñ

    ye sāniye ruuh meñ chhupā luuñ

    har ek lamha ik armuġhāñ hai

    tumhārī chāhat armuġhāñ hai

    ye sāniye aise phuul haiñ

    jo ki khilte rahte haiñ dil dil meñ

    shagufta rahte haiñ rahte dam tak

    ye chand lamhe kisī kisī ke nasīb meñ haiñ

    vagarna umreñ

    ġhamoñ ke kāñTe nikālne meñ guzar ga.ī haiñ

    3

    vo shaam hotel meñ is tarah aa.ī

    jaise dushman fauj utre

    jagah jagah jast aur kāñsī ke chehre

    jham jham khanak rahe the

    tamām hotel jigar jigar jagmagā rahā thā

    maiñ kunj tanhā.ī meñ tahayyur se dekhtā thā

    ki kaise ḳhush-bāsh haiñ jinheñ ye ḳhabar nahīñ hai

    ki un buniyād ukhaḌ chukī hai

    havā.eñ masmūm ho chukī haiñ

    shajar phaloñ se lade haiñ lekin

    jaḌoñ zahr un phaloñ ke reshoñ tak aa gayā hai

    jo haal ab hai kabhī nahīñ thā

    hayāt ḳhār-o-zabūñ to thī lekin itnī ḳhār-o-zabūñ nahīñ thī

    vo der se intizār-gah meñ

    har aane vaale ko nazroñ nazroñ meñ nāptī thī

    libās shoḳhī-o-jasārat

    siñghār jiddat-o-mahārat ke bāvajūd

    is gosha-e-chashm umr chuġhlī khā rahā thā

    nigāh nau-vārid ajnabī par paḌī to is tarah muskurā

    ki jaise us muntazir thī

    uThī qarīb aa.ī aur bolī

    maiñ ek muddat se ḳhidmat-e-ḳhalq kar rahī huuñ

    dukhe diloñ ilaaj kartī huuñ

    rañg aur raushnī ke shahroñ meñ

    shām-e-tanhā.ī dil afsurdagī se vāqif huuñ

    aap akele haiñ to koī intizām kar duuñ

    yahāñ se maiñ duur duur mulkoñ ko

    har tabī.at ke gāhakoñ pasand maal bhejtī huuñ

    vafā mohabbat purānī bāteñ haiñ ab inheñ kaun pūchhtā hai

    baḌe baḌe ūñche ūñche logoñ se raat din merā vāsta hai

    ye sāhibān-e-vaqār-o-naḳhvat

    ḳharīdnā aur bechnā ḳhuub jānte haiñ

    ye daam dete haiñ aur rāhat ḳharīdte haiñ

    bajā hai ye bhī ki be-basoñ anā-o-izzat ḳharīdte haiñ

    magar jab aate haiñ bechne par

    to be-takalluf zamīr tak apnā bech dete haiñ

    jāh-o-sarvat manDiyoñ meñ

    maiñ kah rahī thī ki aap chāheñ to

    aaj raat koī intizām kar duuñ

    vo shaam ke vaqt ḳhuuñ meñ lat-pat

    saḌak ke kināre paḌā huā thā

    guzarne vāloñ se kah rahā thā

    hameñ hamāre muhāfizoñ se

    najāt rāsta batāo

    vo ḳhvāhish-e-iqtidar-o-daulat meñ

    ham ko nīlām kar rahe haiñ

    uḳhuvvat-o-ittihād dard dene vaale

    ḳhud apne bachchoñ ke ḳhuuñ se

    hirs-o-havas sham.eñ jalā rahe haiñ

    hamārī aqdār

    aaj matrūk fashionoñ ke libās tarah

    un nazroñ se gir chukī haiñ

    ab un aulād un resha-davāniyoñ se panāh

    taaza b-tāza nashoñ meñ DhūñDtī hai

    inhī shah ke nasl-e-nau

    apnī pyaas ik dūsre ke ḳhuuñ se bujhā rahī hai

    ye sañg-dil jashn-e-marg-e-amboh-e-be-gunāhāñ manā rahe haiñ

    koī hameñ in najīb sūrat

    harīs be-mehr kargoñ se

    najāt rāsta batāo

    ye naġhma-e-kā.enāt be-surī sadā.eñ haiñ

    koī in se najāt rāsta batāo

    4

    ham apne ḳhvāboñ meñ rahe haiñ

    ham apne sub.h-o-shām se tañg aa ke

    ḳhvāb bunte haiñ aur ḳhvāboñ meñ rahe haiñ

    bisāt-e-sākit se koī shikva

    na shātir-e-vaqt se gila hai

    hameñ shikāyat hai aadmī se

    ki aadmī aadmī dozaḳh banā huā hai

    ajab tazādāt muraqqa.a hai aadmī bhī

    vo ahrman bhī hai aur yazdāñ-jamāl bhī hai

    sadāqat-o-husn talabgār bhī vahī hai

    bahīmiyat aur vahshat-o-jabr parastār bhī vahī hai

    zamīn pe qābīl ke qabīle rasm-e-be-dād auj par hai

    magar hamārā azaab is se bhī talḳh-tar hai

    ki ham jo hābīl ke havārī the

    ahd-e-hābīl meñ bhī zanjīr rahe haiñ

    shabāhatoñ ke fareb-ḳhurda the ye na jaanā

    naqāb-poshoñ meñ kaun kyā hai

    hameñ to ġham thā ki nashsha-e-iqtidār

    qābīl ho ki hābīl

    jis kisī ko chaḌhā

    vo insāniyat ko tārāj kar gayā hai

    hamāre ḳhvāboñ se Dar rahe haiñ

    vo Dar rahe haiñ ki ḳhvāb alfāz meñ Dhale to

    daroġh ke parde chaak hoñge

    aur un ke chehroñ ġhāza utrā

    to aa.ine bhī azaab hoñge

    ham aise mohre

    jinheñ irāde diye ga.e haiñ

    ye jin taufīq par hadeñ haiñ

    hameñ shikasteñ huiiñ magar har shikast mahmez ho ga.ī hai

    hamāre sāthī gire pa raftār aur kuchh tez ho ga.ī hai

    yahāñ sañgīn be-hisī meñ

    hamārī koshish haal ye hai

    ki jis tarah koī tītarī

    ik ḳhizāñ-zada bāġh-e-be-numū meñ

    bharī bahāroñ justujū meñ

    tabassum-e-gul aarzū meñ

    shajar shajar shāḳh shāḳh betāb phir rahī ho

    hamāre hote bahār aa.e na aa.e lekin

    hameñ ye taskīn hai ki ham ne

    hayāt-e-nā-pā.edār ek ek saa.at

    chaman hai.at sañvārne meñ guzār hai

    fazā-e-hastī nikhārne meñ guzār hai

    1

    bichhi hui hai bisat kab se

    zamana shatir hai aur hum

    is bisat ke zisht-o-KHub-KHanon mein

    dast-e-nadida ke ishaaron pe chal rahe hain

    bichhi hui hai bisat azal se

    bichhi hui hai bisat jis ki na ibtida hai na intiha hai

    bisat aisa KHala hai jo wusat-e-tasawwur se mawara hai

    karishma-e-kaenat kya hai

    bisat par aate jate mohron ka silsila hai

    bisat sakit hai waqt-e-mutlaq

    bisat be-jumbish aur be-his hai

    apne mohron se la-talluq hai

    us ko is se gharaz nahin hai

    ki kaun jita hai

    aur kis ne shikast khai

    wajud hadis wajud mohre

    bisat-e-sakit ki wusaton mein

    zamin ahl-e-zamin aflak ahl-e-aflak

    apni apni muayyana saaton mein aise guzar rahe hain

    ki jaise aankhon se KHwab guzren

    bisat par jo bhi hai

    wo hone ki mohlaton mein asir

    paiham badal raha hai

    wajud wo hiddat-e-rawan hai

    jo nit-nai haiaton mein baqi hai

    aur us ko fana nahin

    jahan pahaDon ke aasman-bos silsile hain

    wahan kabhi bahr maujzan the

    jahan bayaban mein ret uDti hai

    baad-e-masmum gunjti hai

    wahan kabhi sabza-zar-o-gul-gasht ka saman tha

    buland-o-baala haqir-o-hech

    is shikast-o-tamir ke tasalsul mein bah rahe hain

    shikast-o-tamir ke tasalsul mein tu hai main hun

    hum aise mohre

    jinhen irade diye gae hain

    ye jan ki taufiq par haden hain

    jinhen tamanna ke rang dikhla diye gae hain

    magar wasilon par qadghanen hain

    jinhen mohabbat ke Dhang sikhla diye gae hain

    pa dast-o-pa mein salasil-e-nau bano

    to gardan mein tauq pahna diye gae hain

    jo hai jo ab tak hua hai jo ho raha hai

    us se kise mafar hai

    koi jo chahe

    ki ahd-e-rafta se ek pal phir se lauT aae

    kaha hua lafz an-kaha ho sake

    to is aarzu ka hasil wo jaanta hai

    bahut sahi iKHtiyar-o-imkan

    barg-o-KHas ki tab-o-majal kya hai

    numu-e-ghuncha mein us ka apna kamal kya hai

    teri nigahon mein tera gham koh se giran-tar hai

    tu samajhta hai

    tere sine ke surKH lawe se

    shahr-o-qarya pighal rahe hain

    KHizan zamistan teri udasi ke aaine hain

    tu mushtail ho to zalzalon se zamin kanpe

    tujhe guman hai

    ki gul khile hain tere tabassum ki pairwi mein

    ye phul ko iKHtiyar kab tha

    ki kaun si shaKH par khile

    kaun kunj mein muskurae

    aur kin fazaon mein KHushbuen bikhere

    nahif shoala jamal konpal

    jo dast-e-nazuk ki narm poron se dhire dhire

    daricha-e-shaKH khol kar

    subh ki sapedi mein jhankti hai

    ye sochti hai

    ki bagh sara usi ke dam se mahak raha hai

    usi ke partaw se gosha gosha damak raha hai

    usi ke didar mein magan

    KHushbuon se bojhal hawaon mein

    shoKH titliyan raqs kar rahi hain

    wo be-KHabar hai

    ki shatir-e-waqt ki nazar mein

    koi ikai

    shajar hajar ho ki zi-nafas ho

    nizam-e-kul se alag nahin hai

    wo ye nahin jaanti ki hasti ke kar-KHane mein

    us ka hona na hona be-nam hadisa hai

    aur us ke hisse ka kul asasa

    wo chand lamhe wo chand sansen hain

    jin mein wo KHwab dekhti hai

    saliqa-e-zat se chaman ko sanwarne ka

    bahaar-e-jaan ko nikhaarne ka

    2

    baja ki na-paedar hai ye wajud mera

    main ghair-fani hayat ke silsile mein

    ek bich ki kaDi hun

    rahin-e-gardish bhi markaz-e-kaenat bhi hun

    jo main ne dekha hai wo mere KHun mein rach gaya hai

    jo main ne socha hai mujh mein zinda hai

    aur jo kuchh suna hai mujh mein sama gaya hai

    hawa ki surat har ek ehsas

    meri sanson mein ji raha hai

    har ek manzar mere tasawwur mein bas gaya hai

    main zat-e-mahdud apni pahnaiyon mein

    ek kaenat bhi hun

    meri ragon mein wo joshash-e-jawedan rawan hai

    jo shaKH mein phul ki numu hai

    jo bahr mein mauj ki taDap hai

    par-e-kabutar mein tab-e-parwaz hai

    sitaron mein raushni hai

    main apne hone ke sab hawalon mein runuma hun

    main ja-ba-ja surat-e-saba hun

    ghazal-e-KHush-chashm ki kaliyon mein khelta hun

    humakte bachche ki muskurahaT hun

    pir-e-shab-KHez ki dua hun

    main mehr mein mahtab mein hun

    ye kaisi chahat hai jis se main

    ek mustaqil iztirab mein hun

    wo kaun si manzil talab thi

    ki ranjha ranjha pukarti hir

    aap hi ranjha ho gai thi

    falak se anwar

    koh se chashme

    shaKH se phul phuTte hain

    magar har ek phul mein nami bhi hai raushni bhi

    zaban mein alfaz

    aankh mein did

    dil mein ehsas rakh diye gae hain

    pa lafz ehsas did ek dusre ka paiwand ho gae hain

    numu-o-taKHliq ke amal bar bar dohrae ja rahe hain

    jamal-e-arz-o-sama ki takmil ho rahi hai

    mohabbat eajaz-e-sarmadi hai

    tumhaari aankhon ki muskurahaT mein

    meri chahat ki raushni hai

    yunhi shagufon ke pas baiThi raho

    shuaon ko aariz-o-lab se khelne do

    hawa ke hathon ko apne gesu bikherne do

    bahaar ki sari KHushbuen

    apne bazuon mein sameT lo

    mere chashm-o-dil ko yaqin dilao

    ki tum faqat KHwab hi nahin ho

    guzarte baadal ka koi aks-e-rawan nahin ho

    tum ek haqiqat ho mahz wahm-o-guman nahin ho

    mere qarib aao aur meri zat ko miTa do

    mujhe tum apne jamal ki zau mein jazb kar lo

    visal mein fard ki fana hai

    visal mein fard ki baqa hai

    visal mein fard ki baqa hai

    bahaar ki did aarzi hai

    bahaar-e-tajrid daimi hai

    widaa ke waqt aansuon mein

    wo sare manzar jhalak rahe hain

    jo shaKH-e-jaan par gulon ki surat khile hue the

    wo sare imkan jhalak rahe hain

    jo kirchi kirchi bikhar gae hain

    bikharne walon ko apne markaz ki aarzu hai

    nahin mujhe is tarah na dekho

    ki jaise nazron mein ruh tak umDi aa rahi ho

    ye hath kuchh der aur rahne do mere hathon mein

    kuchh na bolo

    ki main ye nayab lamhe aankhon mein jazb kar lun

    ye saniye ruh mein chhupa lun

    har ek lamha ek armughan hai

    tumhaari chahat ka armughan hai

    ye saniye aise phul hain

    jo ki khilte rahte hain dil hi dil mein

    shagufta rahte hain rahte dam tak

    ye chand lamhe kisi kisi ke nasib mein hain

    wagarna umren

    ghamon ke kanTe nikalne mein guzar gai hain

    3

    wo sham hotel mein is tarah aai

    jaise dushman ki fauj utre

    jagah jagah jast aur kansi ke chehre

    jham jham khanak rahe the

    tamam hotel jigar jigar jagmaga raha tha

    main kunj tanhai mein tahayyur se dekhta tha

    ki kaise KHush-bash hain jinhen ye KHabar nahin hai

    ki un ki buniyaad ukhaD chuki hai

    hawaen masmum ho chuki hain

    shajar phalon se lade hain lekin

    jaDon ka zahr un phalon ke reshon tak aa gaya hai

    jo haal ab hai kabhi nahin tha

    hayat KHar-o-zabun to thi lekin itni KHar-o-zabun nahin thi

    wo der se intizar-gah mein

    har aane wale ko nazron nazron mein napti thi

    libas ki shoKHi-o-jasarat

    singhaar ki jiddat-o-mahaarat ke bawajud

    is ka gosha-e-chashm umr ki chughli kha raha tha

    nigah nau-warid ajnabi par paDi to is tarah muskura di

    ki jaise us ki hi muntazir thi

    uThi qarib aai aur boli

    main ek muddat se KHidmat-e-KHalq kar rahi hun

    dukhe dilon ka ilaj karti hun

    rang aur raushni ke shahron mein

    sham-e-tanhai ki dil afsurdagi se waqif hun

    aap akele hain to koi intizam kar dun

    yahan se main dur dur mulkon ko

    har tabiat ke gahakon ki pasand ka mal bhejti hun

    wafa mohabbat purani baaten hain ab inhen kaun puchhta hai

    baDe baDe unche unche logon se raat din mera wasta hai

    ye sahiban-e-waqar-o-naKHwat

    KHaridna aur bechna KHub jaante hain

    ye dam dete hain aur rahat KHaridte hain

    baja hai ye bhi ki be-bason ki ana-o-izzat KHaridte hain

    magar jab aate hain bechne par

    to be-takalluf zamir tak apna bech dete hain

    jah-o-sarwat ki manDiyon mein

    main kah rahi thi ki aap chahen to

    aaj ki raat ka koi intizam kar dun

    wo sham ke waqt KHun mein lat-pat

    saDak ke kinare paDa hua tha

    guzarne walon se kah raha tha

    hamein hamare muhafizon se

    najat ka rasta batao

    wo KHwahish-e-iqtidar-o-daulat mein

    hum ko nilam kar rahe hain

    uKHuwwat-o-ittihad ka dard dene wale

    KHud apne bachchon ke KHun se

    hirs-o-hawas ki shamen jala rahe hain

    hamari aqdar

    aaj matruk fashionon ke libas ki tarah

    un ki nazron se gir chuki hain

    ab un ki aulad un ki resha-dawaniyon se panah

    taza b-taza nashon mein DhunDti hai

    inhi ki shah pa ke nasl-e-nau

    apni pyas ek dusre ke KHun se bujha rahi hai

    ye sang-dil jashn-e-marg-e-amboh-e-be-gunahan mana rahe hain

    koi hamein in najib surat

    haris be-mehr kargon se

    najat ka rasta batao

    ye naghma-e-kaenat ki be-suri sadaen hain

    koi in se najat ka rasta batao

    4

    hum apne KHwabon mein ji rahe hain

    hum apne subh-o-sham se tang aa ke

    KHwab bunte hain aur KHwabon mein ji rahe hain

    bisat-e-sakit se koi shikwa

    na shatir-e-waqt se gila hai

    hamein shikayat hai aadmi se

    ki aadmi aadmi ka dozaKH bana hua hai

    ajab tazadat ka muraqqa hai aadmi bhi

    wo ahrman bhi hai aur yazdan-jamal bhi hai

    sadaqat-o-husn ka talabgar bhi wahi hai

    bahimiyat aur wahshat-o-jabr ka parastar bhi wahi hai

    zamin pe qabil ke qabile ki rasm-e-be-dad auj par hai

    magar hamara azab is se bhi talKH-tar hai

    ki hum jo habil ke hawari the

    ahd-e-habil mein bhi zanjir hi rahe hain

    shabahaton ke fareb-KHurda the ye na jaana

    naqab-poshon mein kaun kya hai

    hamein to gham tha ki nashsha-e-iqtidar

    qabil ho ki habil

    jis kisi ko chaDha

    wo insaniyat ko taraj kar gaya hai

    hamare KHwabon se Dar rahe hain

    wo Dar rahe hain ki KHwab alfaz mein Dhale to

    darogh ke parde chaak honge

    aur un ke chehron ka ghaza utra

    to aaine bhi azab honge

    hum aise mohre

    jinhen irade diye gae hain

    ye jin ki taufiq par haden hain

    hamein shikasten huin magar har shikast mahmez ho gai hai

    hamare sathi gire pa raftar aur kuchh tez ho gai hai

    yahan ki sangin be-hisi mein

    hamari koshish ka haal ye hai

    ki jis tarah koi titari

    ek KHizan-zada bagh-e-be-numu mein

    bhari bahaaron ki justuju mein

    tabassum-e-gul ki aarzu mein

    shajar shajar shaKH shaKH betab phir rahi ho

    hamare hote bahaar aae na aae lekin

    hamein ye taskin hai ki hum ne

    hayat-e-na-paedar ki ek ek saat

    chaman ki haiat sanwarne mein guzar di hai

    faza-e-hasti nikhaarne mein guzar di hai

    Source :
    • Book : sar-e-shaam se pas-e-harf tak (Pg. 314)
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now