hamare liye subh ke honT par bad-dua hai

bad-duā hai

hamāre liye sub.h ke hoñT par bad-duā hai

gharoñ meñ utartī azānoñ meñ

hukm-e-sazā hai

suno bad-duā hai

hamāre liye sub.h ke hoñT par bad-duā hai

suno ham ne shab bhar

use yaad rakkhā

añdhere kī dīvār ke sard siine se lag kar

use apne dil ke ufuq se sadā dī

kabhī apnī sāñsoñ ke dukh meñ pukārā

dilāsoñ kī dahlīz par

TuuTe ḳhvāboñ kī dhajjiyāñ

raat bhar jāgne kā sila hai

suno bad-duā hai

hamāre liye sub.h ke hoñT par bad-duā hai

suno shahr vaalo

kahāñ hai hamāre lahū kī bashārat

hamāre pur-asrār ḳhvāboñ kā mausam

jise ham ne bachchoñ kī palkoñ se sīñchā

jise maaoñ kī iltijāoñ se māñgā

hamārā muqaddar

havāoñ meñ uḌtā huā

maut kā zā.iqa hai

suno ba-duā hai

bad-dua hai

hamare liye subh ke honT par bad-dua hai

gharon mein utarti azanon mein

hukm-e-saza hai

suno bad-dua hai

hamare liye subh ke honT par bad-dua hai

suno hum ne shab bhar

use yaad rakkha

andhere ki diwar ke sard sine se lag kar

use apne dil ke ufuq se sada di

kabhi apni sanson ke dukh mein pukara

dilason ki dahliz par

TuTe KHwabon ki dhajjiyan

raat bhar jagne ka sila hai

suno bad-dua hai

hamare liye subh ke honT par bad-dua hai

suno shahr walo

kahan hai hamare lahu ki bashaarat

hamare pur-asrar KHwabon ka mausam

jise hum ne bachchon ki palkon se sincha

jise maon ki iltijaon se manga

hamara muqaddar

hawaon mein uDta hua

maut ka zaiqa hai

suno ba-dua hai