hamein school jaana hai

ye mausam hai umañgoñ kā tarañgoñ kā zamāna hai

chaman ke phuul haiñ ham kaam apnā muskurānā hai

qadam jo bhī uThānā hai taraqqī kā uThānā hai

sitāroñ kī tarah ik din falak par jagmagānā hai

gale meñ Daal kar bāñheñ ḳhushī ke giit gaanā hai

hameñ schōl jaanā hai hameñ schōl jaanā hai

mile aadhī agar roTī to ham utnī hī khā.eñge

musībat jo paḌe sar par ḳhushī se jhel jā.eñge

jo paḌhnā siikh jā.eñge to auroñ ko paḌhā.eñge

jo raste meñ bhaTakte haiñ unheñ manzil dikhā.eñge

mohabbat kā diyā har moḌ par ham ko jalānā hai

hameñ schōl jaanā hai hameñ schōl jaanā hai

nahīñ hai ilm se baḌh kar jahāñ meñ koī bhī daulat

yahī hai nuur āñkhoñ kā diloñ kī hai yahī rāhat

ye vo shai hai lagā saktā nahīñ jis kī koī qīmat

baġhair is ke na mil pā.egī duniyā meñ koī izzat

uTho jaldī agar ta.alīm kā dariyā bahānā hai

hameñ schōl jaanā hai hameñ schōl jaanā hai

jahālat kā añdherā aql se ma.azūr kartā hai

jo dil kī aañkh hai us ko yahī be-nūr kartā hai

banā detā hai ye shaitāñ ḳhudā se duur kartā hai

hameñ dar dar bhaTakne ke liye majbūr kartā hai

jise ta.alīm kahte haiñ ki vo hikmat kā ḳhazāna hai

hameñ schōl jaanā hai hameñ schōl jaanā hai

ye mausam hai umangon ka tarangon ka zamana hai

chaman ke phul hain hum kaam apna muskurana hai

qadam jo bhi uThana hai taraqqi ka uThana hai

sitaron ki tarah ek din falak par jagmagana hai

gale mein Dal kar banhen KHushi ke git gana hai

hamein school jaana hai hamein school jaana hai

mile aadhi agar roTi to hum utni hi khaenge

musibat jo paDe sar par KHushi se jhel jaenge

jo paDhna sikh jaenge to auron ko paDhaenge

jo raste mein bhaTakte hain unhen manzil dikhaenge

mohabbat ka diya har moD par hum ko jalana hai

hamein school jaana hai hamein school jaana hai

nahin hai ilm se baDh kar jahan mein koi bhi daulat

yahi hai nur aankhon ka dilon ki hai yahi rahat

ye wo shai hai laga sakta nahin jis ki koi qimat

baghair is ke na mil paegi duniya mein koi izzat

uTho jaldi agar talim ka dariya bahana hai

hamein school jaana hai hamein school jaana hai

jahaalat ka andhera aql se mazur karta hai

jo dil ki aankh hai us ko yahi be-nur karta hai

bana deta hai ye shaitan KHuda se dur karta hai

hamein dar dar bhaTakne ke liye majbur karta hai

jise talim kahte hain ki wo hikmat ka KHazana hai

hamein school jaana hai hamein school jaana hai